O`zbekiston respublikasi oliy va o`rta maxsus ta`lim vazirligi namangan muhandislik-qurilish instituti

3.Mintaqalarda infrastrukturaning rivojlanishi va uning mohiyati.

Infratuzilma - har qanday yaxlit iqtisodiy tizim va tuzilmalarning mavjud bo’lishi shart hisoblangan tarkibiy qismi. So’zma-so’z ifodalaganda, infratuzilma bu iqtisodiy tizimning asosi, poydevori, ichki tuzilmasi demakdir. «Infratuzilma» atamasi lotincha «infra» - quyi, osti; «strustura» - tuzilma, joylashuv so’zlaridan paydo bo’lgan.

Bozor iqtisodiyoti amal qilishi uchun uning infratuzilmasi ishlab turishi kerak. Chunki, mamlakatimiz Prezidenti Islom Karimov ta’kidlab o’tganidek - “infratuzilma kompleksi iqtisodiyotimizning butun tuzilmasi tayanadigan poydevordir. Respublika butun xalq xo’jalik kompleksi ishining uyg’unligi, uning samaradorligi, shuningdek, chet el sarmoyalarini jalb qilish va o’zlashtirish imkoniyati butunlay infratuzilma tizimi rivojining holatiga va darajasiga bog’liqdir”⁷.

Mamlakatimiz Prezidenti boshchiligida olib borayotgan ijtimoiy-siyosiy va ijtimoiy-iqtisodiy islohotlarining dastlabki natijalariga ko’ra, bozor munosabatlari sub’ektlari faoliyatiga xizmat qiluvchi infratuzilma tizimini quyidagicha guruhlarga ajratish mumkin (1-rasm).