O`zbekiston respublikasi oliy va o`rta maxsus ta`lim vazirligi namangan muhandislik-qurilish instituti

Uchinchi yo’nalish - muammoli mintaqalarga sanoat korxonalarini joylashtirish maqsadida xorijiy va xususiy sarmoyalarni jalb etishni rag’batlantirish. Mazkur yo’nalish iqtisodiyotning turli tarmoqlariga mansub korxonalarni joylashtirishda davlat tomonidan muhim e’tibor beriladigan asosiy yo’nalish hisoblanadi. Dunyoning ko’plab mamlakatlarida mintaqaviy siyosatni amalga oshirishning quyidagi 2 xil usuli keng qo’llaniladi:

Adolatli usul - ishlab chiqarish kuchlarini joylashtirishning shunday turiki, unga ko’ra mamlakat fuqarolari qaysi hududda yashashlaridan qat’iy nazar, ularning turmush darajasi deyarli bir xil sharoit va imkoniyatlarda bo’lishi ko’zda tutiladi.

Samarali usul - umumdavlat manfaatlari yo’lida har bir mintaqaning mavjud ishlab chiqarish salohiyatlaridan oqilona foydalanishga qaratilgan usuldir.

Har ikki usul turli holatlarda o’zaro bir-birini to’ldiradigan yoki bir-biriga qarama-qarshi bo’lishi mumkin. Bu esa muayyan mamlakat iqtisodiy taraqqiyotning qaysi pog’onasida turganligiga bog’liq. Iqtisodiy salohiyati katta, rivojlanish darajasi yuqori bo’lgan AQSh, Kanada, Yaponiya va G’arbiy Evropa mamlakatlari mintaqaviy siyosatida adolatli usul keng qo’llaniladi.