O`zbekiston respublikasi oliy va o`rta maxsus ta`lim vazirligi namangan muhandislik-qurilish instituti

Tiklanish va taraqqiyot jamg’armasining 2014 yil davomida iqtisodiyotning bazaviy tarmoqlaridagi 15 ta investitsiya loyihasini birgalikda moliyalashtirishga yo’naltirilgan mablag’lari 439,1 mln. dollarni tashkil etdi. Shu bilan birga jamg’arma mablag’lari hisobidan o’zlashtirilgan investitsiyalar hajmi avval ajratilgan mablag’larni qo’shib hisoblaganda, 607,1 mln.dollarni tashkil etdi va 2013 yilga nisbatan 47%ga ortdi.

Chet el investitsiyalari va kreditlari. Chet el investorlarini jalb qilishni qo’llab-quvvatlash bo’yicha chora-tadbirlarning amalga oshirilishi natijasida, o’zlashtirilgan to’g’ridan-to’g’ri chet el investitsiyalari 10,5%ga o’sdi (2310 mln.dollar yoki hisobot davrida o’zlashtirilgan jami kapital qo’yilmalar hajmining 15,8%i). Bir vaqtning o’zida, hukumat kafolati ostidagi chet el kreditlarining hajmi 639,9 mln.dollarni tashkil etib, o’tgan yilning mos ko’rsatkichidan 10,2%ga ko’pdir.

Tijorat banklarining investitsiya maqsadlarida yo’naltirilgan kreditlari 13,8%ga o’sib, 3843,7 mlrd.so’mni tashkil etdi. Kapital qo’yilmalarning umumiy tarkibida ichki kreditlar ulushi 2013 yildagi 11,0 foiz o’rniga 11,4 foizni tashkil etdi.

7Byudjetdan tashqari jamg’armalarning mablag’lari o’tgan yilga nistabatan 9,9%ga o’sib, 2200,8 mlrd.so’mni tashkil qildi. Shu bilan birga, byudjetdan tashqari fondlarning umumiy o’zlashtirilgan investitsiyalardagi ulushi 6,5 foizni tashkil qildi.

Investitsiyaga yo’naltirilgan aholi mablag’lari 10,1 foizga o’sib, 7350,5 mlrd.so’mni (umumiy investitsiyalarning 21,8 foizi) tashkil etdi. Bu aholining yuqori investitsiya faolligidan dalolat bermoqda.