O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

Linkozamidlar
Ushbu gruhga klindomitsin mansub. U bakteriyalarda oqsil sintezini susaytiradi odatda bakteriostatik ta'sir ko‘rsatadi. Asosan anaeroblar (Vacteroides fragilis va boshqalar) streptokoklar va stafilakoklarga qarshi faoldir. Ichakdan yaxshi so‘riladi. Gematoensefalitik to‘siqdan yomon o‘tadi. Jigarda metabolizmga uchraydi. Buyrak orqali va safro tarkibida ajraladi.
Asosan bakteroidlar qo‘zg‘atgan infeksiyalar ayniqsa Vacteroides fragilis bilan qorin bo‘shlig‘ini jarohatlanishida qo‘llaniladi.
Eng hafli noxush ta'siri bu psevdomembranoz kolit (shilliq va qon aralash ajratmalardan iborat diareya rivojlanadi va qorinda og‘riq, isitmalash) hisoblanadi. Bu ichakda bo‘lishi mumkin bo‘lgan clostridium difficile toksini bilan bog‘liq disbakteriozning bir ko‘rinishidir. Ushbu asoratni vankomitsin va metronidazol bilan davolanadi. Kamdan-kam hollarda allergik reaksiyalar, jigarning jarohatlanishi, leykopeniya kuzatiladi.
Glikopeptidlar
Ushbu guruhning asosiy dori vositasi murakkab glikopeptid bo‘lgan vankomitsindir. Uni Streptomyuces orientalis aktinomitseti hosil qiladi. Bakteriyalarning hujayra devorini sintezini buzadi va bakteriotsid¹ ta'sir ko‘rsatadi. Grammusbat kokklar Shu jumladan metatsillinga chidamlilik ortirgan, β-laktamaza hosil qiluvchi stafilakokklarga qarshi yuqori faollikka ega klostridiyalarga Shu jumladan, Clostridium difficile hamda qorinobakteriyalarga ta'sir ko‘rsatadi. Me'da-ichak traktidan yomon so‘riladi. Agarda sistemali ta'sir lozim bo‘lsa, dori vositani tomirga kiritiladi. Gematoensefalitik barerdan, ayniqsa meningitda o‘tadi.
Vankomitsin¹ grammusbat, penitsillinga chidamlilik orttirgan kokklar qo‘zg‘otgan infeksiyalarda, enterokolitlarda, Shu jumladan psevdomembranoz kolitlarda qo‘llaniladi. Dori vosita zaharlilikka ega ekanligi uni qo‘llashni cheklaydi. U ototoksik va nefrotoksik ta'sirga ega, flebitlar rivojlantirishi mumkin. Kamdan-kam hollarda allergik reaksiyalar, neyropeniya, Trombotsitopeniya rivojlanadi.
Bu guruhga teykoplanin antibiotigi ham kiradi. Xossalari bo‘yicha vankomitsinga o‘xshash. Davomli ta'sir etadi. Bir kunda bir marta mushak yoki tomirga kiritiladi.