O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

Dozani oshirib yuborilishi.Belgilari:
Antigistamin vositalarining dozasini oshirib yuborilishi markaziy nerv tizimiga susaytiruvchi ham, yoki rag'batlantiruvchi ham ta'siriga olib kelishi mumkin, ko'proq bolalarda kuzatiladi. Shuningdek antixolinergik ta'sirlari ham rivojlanishi mumkin: og'izni qurishi, ko'z qorachig'ini kengayishi, tanani yuqori yarmiga qonni oqib kelishi hissi, me'da-ichak yo'llari tomonidan buzilishlar (ko'ngil aynashi, epigastriyda og'riq, qusish).
Davolash. Agarda bemorda qusish o'z-o'zidan bo'lmasa, uni chaqirish kerak (faqatgina bemorning xushi o'zida bo'lsa). Agarda preparat qabul qilingan vaqtdan 3 soat yoki biroz ko'proq vaqt o'tgan bo'lsa, natriy xloridining 0,9% eritmasi va faollangan ko'mir bilan me'dani yuvish kerak. Shuningdek tuzli surgi buyurish mumkin. Shuningdek simptomatik davolash ko'rsatilgan.
Boshqa dori vositalari bilan o'zaro ta'siri. Tavegil markaziy nerv tizimini susaytiruvchi (uyqu vositalari, sedativ va anksiolitik vositalar) preparatlar, M-xolinoblokatorlar, hamda alkogolning ta'sirini kuchaytiradi. MAO ingibitorlarini bir vaqtda qabul qilish bilan to'g'ri kelmaydi.
Maxsus ko'rsatmalar. Allergenlarga o'tkaziladigan teri skarifikatsion sinamalarining natijalarini buzilib ketishini oldini olish uchun, allergologik sinovlarni o'tkazishdan 72 soat oldin preparatni bekor qilish kerak.
Transport vositalarini haydash qobilyatiga ta'siri:
Diqqatni yuqori jamlashni va tezkor psixomotor reaktsiyalarni talab qiluvchi faoliyat turlaridan saqlanish tavsiya qilinadi.
EROLIN (Loratadin gidroxloridi)
Farmakologik guruhi. Uzoq vaqt ta'sirli gistaminga qarshi vosita.
Qullanilishi. Erolin siropi aksirish, tumov, ko'zni kichishishi va qizarishi kabi allergiya simptomlarini kechishini yengillashtiradi. Preparat terini allergik shikastlanishlaridagi toshmalarda, qichishish va eshakemi bulganida xam kullanilishi mumkin.
Qo'llash mumkin bo'lmagan xolatlar. Preparatga yoki tabletkaning biron bir komponentlariga allergiya bo'lganida, xomilador bo'lsangiz, xomilador bo'lishni istasangiz yoki emizikli bo'lsangiz.
Erolinni 2 yoshdan kichik bo'lgan bolalarga buyurmang.