O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

Dozani oshirib yuborilishi. Belgilari: stupor holati, harakat koordinatsiyasini buzilishi, uyquchanlik, mioz, mushaklar tonusini oshishi, ileus.
Davolash: antidot sifatida nalokson qo'llanadi. Bemor kamida 48 soat davomida shifokorning nazorati ostida bo'lishi kerak.
MAALOKS
Tarkibi: Magniy gidroksidi -600 mg, Alyuminiy gidroksidi -525 mg
Farmakologik ta'siri. Maaloks magniy gidroksidi va alyuminiy gidroksidini yaxshi muvozanatlangan majmuasi bo'lib, u uning yuqori neytrallovchi va protektiv samarasini ta'minlaydi.Maaloks qabziyatlarni chaqirmaydi. Adsorbtsiyalovchi, o'rab oluvchi va antatsid vositasi sifatida me'da shirasining yuqori kislotaliligida qo'llanadi. Maaloks ovqat-hazm qilish yo'llarining yuqori bo'limlarida og'riqni bir necha soatga tinchlantiradi.
Qo'llanilishi.О'tkir va surunkali gastrit, o'tkir gastroduodenit, me'yoriy yoki zo'rayish davridagi yuqori sekretor faoliyatli surunkali gastroduodenit, diafragmaning qizilo'ngach teshigini churrasi, reflyuks-ezofagit, me'da va o'nikki barmoq ichakning yara kasalligi, parhezni buzilishlari, dorilarni qabul qilish, alkogol`, kofe, nikotinni suiste'mol qilishdan keyingi jig'ildonni qaynashi.
Qo'llash mumkin bo'lmagan holatlar.Preparatning komponentlariga o'ta yuqori sezuvchanlik, surunkali buyrak yetishmovchiligi, homiladorlik, Al`tsgeymer kasalligi, gipofosfatemiya.Preparatni 12 yoshgacha bo'lgan bolalarda, hamda ayollarda emizikli davrda ehtiyotkorlik bilan ishlatish kerak.
Qo'llash usuli va dozalari. Maaloks odatda ovqatdan 1-1,5 soat keyin yoki og'riq paydobo'lganida qo'llanadi. Maaloks suspenziya ko'rinishida 15 ml dan (1 paketcha) qabul qilinadi.Iste'mol qilish oldidan paketchani barmoqlar orasida yaxshilab ezib suspenziyani gomogenlashtirish kerak.Paketcha ichidagisini qoshiqqa yoki og'izga siqib chiqarish kerak. Bolalarda dozalashni davolovchi shifokor belgilaydi. Zarurati bo'lganida oldingi qabuldan ikki soatdan keyin preparatning qo'shimcha dozasini qabul qilish mumkin, ammo kuniga 6 qabuldan ko'p emas.