O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

BRONXIPRET
Tarkibi. 100g Bronxipret tomchilarida faol komponentlar:
Tog'jambil o'tining suyuq ekstrakti - 50 g,
Pechak barglarining nastoykasi - 15 g,
Etanolning miqdori: -19% (hajm nisbatida).
Farmakologik xususiyatlari. O'simliklardan olinadigan balg'am ko'chiruvchi vosita.
Preparat balg'am ko'chiruvchi, yallig'lanishga qarshi, sekretolitik, bronxolitik ta'sir ko'rsatadi, balg'amning qovushqoqligini kamaytiradi va uning chiqarilibyuborilishini tezlashishiga yordam beradi.
Qo'llanilishi. Balg'am ko'chiruvchi vosita sifatida, yo'tal va balg'am hosil bo'lishi bilan kechadigan nafas yo'llarining o'tkir va surunkali yallig'lanish kasalliklarini (traxeit, traxeobronxit, bronxit) davolashda qo'llanadi.
Qo'llash mumkin bo'lmagan holatlar. Preparat komponentlariga bo'lgan yuqori sezuvchanlik, 6 yoshgacha bo'lgan bolalar. Etanol mavjudligi tufayli, preparatni alkogolizmda, tutqanoqda, jigar kasalliklarida, bosh miya jarohatlari va kasalliklarida buyurish tavsiya etilmaydi.
Homiladorlik va laktatsiya davrida qo'llanishi. Preparatni homiladorlik va emizish davrida qabul qilish tavsiya etilmaydi.
Qo'llash usuli va dozalari. Preparat ovqatdan so'ng, ichishga buyuriladi.
Kattalarga: 40 tomchidan kuniga 4 marta.
12-18 yosh o'smirlarga: 28 tomchidan kuniga 4 marta.
6-11 yosh bolalarga: 25 tomchidan kuniga 4 marta.
Davolash kursi–10-14 kun. Davolash kursining davomiyligini uzaytirish va takroriy davolash shifokor tavsiyasiga binoan.
Nojo'ya ta'sirlari. Allergik reaktsiyalar bo'lishi mumkin.
Dozani oshirib yuborilishi. Doza oshirib yuborilganda me'da sohasida og'riqlar, qayt qilish, diareya bo'lishi mumkin.
Boshqa dori vositalari bilan o'zaro ta'siri. Bronxipret tomchilarini yo'talga qarshi preparatlar, shuningdek balg'am hosil bo'lishini kamaytiradigan dori vositalar bilan bir vaqtda qo'llash mumkin emas, chunki bu suyulgan balg'amni ajralib chiqishini qiyinlashtiradi.
Antibakterial dori vositalar bilan birga qo'llash mumkin.