|
Natijalarni rasmiylashtirishni. Natijalarni rasmiylashtirishga qancha vaqt qolganligini bilish uchush uchun vaqtga qarab turing. Yirtiq va qoralangan qog‘ozlarga albatta, uni yaxshilab tayyorlang. Uni tayyorlashda chizma va grafiklardan meyorda foydalaning.
Natijalarni taqdim etishni. Agar natijalarni siz taqdim etishingiz zarur bo‘lsa, nima gapirishingiz haqida taxminiy chizmani belgilang. Natijani juda hijjalashga uringmang. Ovozingizga e’tibor bering, dadil va ishonch bilan gapirishga harakat qiling.
MUSTAQIL TA’LIM UCHUN KEYS-STADI ISHLANMASI
Guruhlar uchun mini keys topshiriqlari:
1. O‘zbekistonda tarixiy madaniy turizmni qanday xususiyatlari bilan boshqa mamlakatlardan farq qiladi?
2. Diniy (ziyorat)turizmi deganda nimani tushunasiz? Ularga misollar keltiring
Guruhlar uchun murakkab keys topshiriqlari:
1. Qaysi qit’a mamlakatlarida rivojlanyotgan mamlakatlar uchun xos bo‘lgan turizm turlari rivojlangan? Fikringizni asoslab bering.
2. Jahonda turizm rivojlanish darajasi bo‘yicha mintaqalarga va subregionlarga ajratilgan, ularning bir-biridan geografik farqlarini aniqlang.
O‘qituvchi (keysolog)ning keys-stadi topshiriqlari bo‘yicha yechimlari:
1. O’zbekistonning tarixi va madaniyati nihoyatda boy va turizm tarmog’ining rivojlanishi uchun yuqori salohiyatga ega. Hudud “Buyuk Ipak yo’li”da joylashganligi bois, tarixda savdo va madaniy aloqalar markazi sifatida dunyo mamlakatlari ichida shuhrat qozongan. Respublika hududida 8 mingdan ortiq tarixiy madani yodgorliklari bo’lib, ularning ba’zilari 2500 yillik uzoq tarixdan guvohlik beradi. Samarqand, Buxoro, Xiva, SHahrisabz kabi shaharlardagi tarixiy obidalar dunyo tarixchilari va sayyohlarining doimo diqqat markazida bo’lib kelgan.
Diniy (ziyorat) turizmi hozirgi paytda ommaviy tus olayapti. Uning bir necha turlari ajratiladi:
ziyorat (muqaddas joylarga tashrif va ibodat qilish);
bilimni orttirish safari (diniy, tarixiy yodgorliklar va boshqalar bilan tanishish);
ilmiy safar din bilan shug‘ullanuvchi (tarixchi va boshqa mutaxassislarni safari).
2. Rivojlanyotgan mamlakatlar uchun xos bo‘lgan turizm turlari bu rekreatsion va ekoturizm rivojlanib bormoqda. Jahon turizmni rivojlanishiga geografik omillar, iqtisodiy, siyosiy, ijtimoiy va demografik omillar, sayyohlar xavfsizligi, transport tarmoqlari va kommunikatsiyalar, turistik infratuzilmalar ta’sir ko‘rsatadi.
Turizm rivojlanish darajasi bo‘yicha, dunyodagi 6 ta mintaqaga (Yevropa, Amerika, Afrika, Yaqin va O‘rta Sharq, Janubiy Osiyo, Osiyo va Tinch okeani mintaqasi) joylashgan, Yevropa, Amerika va Sharqiy va Tinch okeani mintqasida turizm yuqori darajada rivojlangan, Afrika va Janubiy osiyoda turizm unchalik yaxshi rivojlanmagan.
Yevropa mintaqasi tabiiy geografik va siyosiy jihatdan G‘arbiy Yevropa, Markaziy (Sharqiy) Yevropa, Shimoliy Yevropa va Janubiy (O‘rta Yer dengizi bo‘yi) Yevropa qismlariga bo‘linadi. Yevropa xalqaro turizmda egallagan salmog‘ining pastligiga qarmasdan, hamon u dunyo turizmning eng asosiy mintaqalaridan bir bo‘lib qolmoqda (51,0%). Buning asosiy sabablari birinchidan mintaqada xilma-xil rekratsion (tabiiy, madaniy-tarixiy) resurslarning mavjudligi, ikkinchidan turizmning rivojlanishi uchun qo‘lay ijtimoiy-iqtisodiy va infratuzilmalar omillari (yuqori darajadagi turmush tarkibi, shahar aholisi salmog‘ining yuqoriligi, transport tarmoqlarining ser qatnovligi) dir. Yevropada xalqaro turizmning rivojlanishi bo‘yicha Shimoliy Yevropa mintqasi, undan so‘ng Janubiy (O‘rta Yer dengizi bo‘yi) mamlakatlari (Ispaniya, Italiya, Gretsiya va Fransiya) yetakchilik qilib kelmoqda.
Xalqaro turizm bozorida Osiyo – Tinch okeani turizmi juda tezkorlik bilan rivojlanib borayotgan mintaqalardan hisoblanadi. Birgina 2019 yilda keluvchi turistlar soni mintaqa bo‘yicha 362 mln. kishiga yetdi va uning salmog‘i 25,0 % ga ko‘paydi.
Amerika turizmi. Amerika Shimoliy Amerika, Markaziy Amerika va Janubiy Amerikadan iborat bo‘lib xilma-xil tabiat zonalari va iqlim poyaslariga bo‘linadi. Keyingi yillarda Amerika xalqaro turizm bozorida (turistlar kelishi-ketishi va daromad miqdori sohasida) biroz o‘z mavqiyeni pasaytirgan bo‘lsada, hamon u turizm uchun o‘zining jozibadorligini yo‘qotgan emas. Amerika qit’asining xalqaro turizmda tutgan salmog‘i 2019 yilda 15,0 % ni tashkil etadi.
Afrika xalqaro turizm sohasi bo‘yicha unchalik yuqori o‘rinni egallamaydi. Uning xalqaro turistlar tashrifi bo‘yicha boru-yo‘g‘i 2,0 % ni egallaydi. Agar 2005 yilga kelib ularning umumiy soni 36,7 mln. kishi bo‘lgan bo‘lsa, 2019 yilga kelib ularning umumiy soni 70 mln.kishiga yetdi yoki tashrif buyuruvchi turistlar soni 2 barobarga ko‘paydi.
Yaqin Sharq turizmi. Yaqin Sharq mamlakatlariga 2019 yilda kelgan turistlar soni qariyib 65 mln. kishini tashkil qildi. Bu mintaqa xalqaro turizmda turistlar tashrifi bo‘yicha 4 % ni tashkil qiladi. 2005-2019 yillar davomida Yaqin Sharq mamlakatlariga xorijiy turistlar kelib - ketishi tezkorlik bilan rivojlanib borgan. Tashrif buyuruvchi turistlarning o‘sish darajasi yiliga o‘rtacha 10 % ni tashkil qilgan
Amaliy mashg’ulot vazifalarini bajarishda talabani o’quv bilish faoliyatini faollashtirish, uning qiziqishini orttirish g’oyat muhim bo’lib, qiziqish talabaning o’qishga moyilligini aks ettiradi. Ta’lim jarayonida pedagog talabani qiziqtirgan narsa, hodisa va tabiiy jarayonlar bilan shug’ullanishiga sharoit yaratib berish bilan birga, uning qiziqishlarini rivojlantirishi talabani fikriga ko’ra yetarli darajada qiziq ko’rinmagan o’quv materiallari bilan ham shug’ullanish za’ruriyatini his qila olish ruhida tarbiyalashi lozim. Pedagog talabaning amaliy mashg’ulotlarini bajarish jarayonida mustaqil izlanib, erkin, ilmiy asoslangan holda tanqidiy fikrlay oladigan shaxs sifatida shakllanishi uchun axborot kommunikasiya texnologiyalari va elektron o’quv-metodik ta’minot imkoniyatlaridan samarali foydalanishga yo’naltira olishi kerak.
Do'stlaringiz bilan baham: |
