O'zbekiston respublikasi oliy va o'rta maxsus ta'lim vazirligi mirzo ulug'bek nomidagi

Mashg’ulotning maqsadi: quyon yoki kalamush misolida sutemizuvchilar sinfi vakillari skeletining tuzilishini o’rganish.
Kerakli materiallar va jihozlar: quyon, kalamush yoki mushuk skeletlari, umurtqa pog’onasining turli bo’limlari umurtqalari, oldingi va orqa oyoq skeletlari hamda kamarlari, ayrim sutemizuvchilarning bosh skeletlari; preparoval ninalar, lupalar. Shuningdek, sutemizuvchilar skeleti, tanasining turli bo’limlaridagi umurtqalarning hamda bosh skeleti, oldingi va orqa oyoqlar skeleti kamarlarining tuzilishi aks ettirilgan jadvallar.
Ishning mazmuni.
Sut emizuvchilar skeleti tuzilishini o’rganish.
1. Sutemizuvchilar skeleti bo’limlari: bosh skeleti, umurtqa pog’onasi, oldingi va orqa oyoqlar skeleti va ularning kamarlari bilan tanishib chiqing.
2. Umurtqa pog’onasini ko’zdan kechiring. Umurtqa pog’onasining bo’yin, ko’krak, bel, dumg’aza va dum bo’limlarini aniqlang. Umurtqa pog’onasining har bir bo’limidagi umurtqalarning tuzilishini solishtirib, ularning farqlarini aniqlang.
3. Ko’krak qafasi skeleti suyaklarini ko’zdan kechiring.
4. Bosh skeleti suyaklari bilan tanishib, miya qutisining kattaligiga e’tibor bering. Jag’ suyaklarining tuzilishi va tishlarining jag’larda joylashishi bilan tanishib chiqing.
5. Yelka kamari suyaklari hamda oldingi oyoq suyaklarini aniqlang.
6. Chanoq kamari suyaklari hamda son, boldir, tovon, oyoq kafti va barmoqlari suyaklarini toping.