O‘zbekiston respublikasi oliy va o‘rta maxsus ta’lim vazirligi jizzax davlat pedagogika instituti

3. Talabalarni o‘qituvchilarga biriktirish, ularning rejalari bilan tanishish. Tajribali o‘qituvchilarning darslarini kuzatish.
Talabalar o‘quv yurtidagi tajribali fan o‘qituvchilariga biriktirilib, ularning yillik, oylik o‘quv-taqvim rejalari, ish yuritish hujjatlari, sinf jurnalini yuritish ishlari bilan tanishtiriladi. Ona tili va adabiyot fani metod kengashi ishlarini ham ko‘rib chiqadilar.
Shundan so‘ng amaliyotchilar bilan fan o‘qituvchilarining darslarini kuzatish va tahlil qilish boshlanadi. Shu kuniyoq «Amaliyotchi burchagi» tashkil etiladi.
4. Sinf rahbarlarirning tarbiyaviy, ma’naviy-ma’rifiy ish rejalari bilan tanishish.
Amaliyotchilar sinf rahbarlarirning yillik tarbiyaviy, ma’naviy-ma’rifiy ish rejalari bilan tanishib, amaliyot davrida o‘tkazilishi kerak bo‘lgan tadbirlar mazmuni bilan tanishadilar.
Shuningdek, tarbiyaviy saoatlarda o‘tkaziladigan mavzular, ularning mazmun-mohiyati bilan ham tanishadilar.
5. Amaliyot davrida yuritiladigan ish qog’ozlari yuzasidan suhbat o‘tkazish.
Malakaviy amaliyot qisqa muddatli bo‘lganligi sababli talabalar tomonidan yuritiladigan asosiy ish hujjatlari sifatida quyidagilarni ko‘rsatiladi va ularning yuritilishi bo‘yicha ko‘rsatmalar beriladi:
- kundalik (amaliyotdagi kunlik faoliyat yoritib boriladi);
- kuzatilgan darslar tahlili (bir kunda kamida 2 soat dars tahlil qilinadi);
- taqvim ish-reja (I va II chorak uchun);
- yordamchi sinf jurnalini yuritish,
- dars konspektlari;
- o‘quvchilarga yozilgan tavsifnomalarini ko‘rib chiqish;
- bajarilgan ishlarning hisobot tahlili;
6. Tajribali o‘qituvchilarning ochiq darslarini kuzatish.
Malakaviy amaliyot davrida «Ochiq darslar» haftaligi deb e’lon qilingan fanlardan dars berayotgan tajribali o‘qituvchilarning darslari kuzatiladi. Bunda har bir o‘qituvchining ochiq darsga alohida mas’uliyat bilan yondashishi, turli dars usullaridan foydalanishi, yangi pedagogik texnologiya talablariga javob beradigan darajada darsga tayyorgarlik ko‘rganligi kuzatiladi. Metodistlar har bir dars yuzasidan tahliliy suhbat tashkil etadi.