O’zbekiston Respublikasi Oliy va O’rta maxsus ta’lim vazirligi Jizzax viloyat kasbiy ta’limni rivojlantirish va muvofiqlashtirish hududiy boshqarmasi

«Нева» suyuqligi. Bunday nomdagi tormoz suyuqligi qator sintetik
kimyoviy birikmalarning murakkab kompozitsiyasidan iborat.
Uni –50°C dan 50°C gacha bo‘lgan harorat oralig‘ida ishlatish
mumkin, 190°C da qaynaydi. Zaharli va yong‘in jihatdan xavfli.
Issiq suvda eriydi, rangi och sariq. Disk tormozli yengil avtomobillarda
(ВАЗ, «Москвич», ГАЗ–3102 «Волга» va boshqa) ishlatiladi.
Baraban tormozli ЗAЗ–968M «Запорожец»; ИЖ (barcha
modellari) yengil avtomobillarida; «Урал»; КрАЗ–260 (ilashish
muftasini ajratishning gidropnevmatik yuritmasi); ГАЗ–53А yuk
avtomobillarida; КАВЗ, ПАЗ–672 avtobuslarida ishlatish tavsiya
etiladi.
БСК suyuqligi. Butil spirti bilan tozalangan kanakunjut moyining
aralashmasidan (1 : 1 nisbatda) iborat tormoz suyuqligi,
yaxshi moylash xususiyatlariga ega. –20°C haroratgacha ishlatish
mumkin. Ancha past haroratlarda ham tormoz tizimlarming ishga
layoqatliligini saqlash uchun suyuqlikka etil yoki butil spirti
(1 : 1 nisbatda) qo‘shiladi. Qaynash harorati uncha yuqori (115°C)
bo‘lmaganligi bois BCK suyuqligini disk tormozli avtomobillarda
ishlatib bo‘lmaydi. Suv qo‘shilganida qatlamlanadi. «Нева»
va ГТЖ–22М tormoz suyuqliklari bilan aralashmaydi. Yong‘in
jihatidan xavfli. Unga qizil rang berilgan (qo‘shilgan). Bu suyuqlik
baraban tormozli barcha yengil avtomobillarda («Запорожец»,
«Москвич» ГАЗ–24 «Волга»; ВАЗ), ГАЗ–53А; «Урал» yuk avtomobillarida;
КАВЗ va ПАЗ–672 avtobuslarida ishlatiladi.