O‘zbekiston respublikasi oliy va o‘rta maxsus talim vazirligi jizzax politexnika instituti «Bino va inshootlar Qurilishi»

t.s.	Lavozimlar ro‘yxati
Taxminiy maydonlar, kv.m
SHaharlarda viloyat xokimliklari va qishloq tumanlari mamuriyati
1	Xokim kabineti	36-50
2	Xokimning 1-muovini kabineti	30-36
3	Muovinlar va shunga tenglashtirilgan lavozimlar kabinetlari	30
II. Vazirliklar, muassalar, viloyat tashkilotlari
1	Vazir, qo‘mita raisi kabineti	36-50
2	Vazir muovini, qo‘mita raisi muovini kabineti	30-36
3	Boshqarma boshlig‘i kabineti	24-30
4	Bo‘lim boshlig‘i kabineti	18-20
III. Vazirliklar va muassalarning shahar va tuman boshqarmalari
1	Boshliq kabineti	18-24
2	Muovin kabineti	14-18

Raxbarlar kabinetlari oldida qabul xonalar loyihalanadi: bir raxbar qabulxonasi uchun 12 m² ; ikki raxbar qabulxonasi uchun 18 m² va qoida bo‘yicha, 36 m² dan ziyod emas. YUqori rangdagi raxbarlar kabinetlariga yondosh tarzda umumiy maydoni 15-20 m² bo‘lgan dam olish va yuvinish-hojat xonalari loyihalanadi.

Tuzilmaviy idoralarning etakchi mutaxassislarining 1 ishchi o‘rni uchun 9 m² maydon ajratiladi, agar keluvchilarni qabul qilish ham hisobga olingan bo‘lsa maydonlar miqdori 12 m² ga oshiriladi. Ishchi kabinetlarining maydonlari 1-jadval asosida qabul qilinadi.

Mamuriy binolar tarkibida loyihalanadigan laboratoriyalarning maydonlari o‘rnatiladigan jihoz va qurilmalarning hajmidan kelib chiqqan holda 1 ishchi o‘rni uchun 6-12 m² miqdorda qabul qilinadi. Ishchi xonalaridagi xizmat ish qog‘ozlarini saqlash uchun mo‘ljallangan ichki shkaflarning maydonlari alohida hisob bilan har bir ishlovchi uchun 0,1 m² miqdorda qabul qilinadi.

Turli majlislar, direksiya, kollegiya va maslaxat kengashlari yig‘ilishlarini o‘tkazish uchun mo‘ljallangan zallar har bir ishtirokchi uchun stollar bilan jihozlanganda 1 o‘rin uchun 2 m², qator kreslolar bilan jihozlanganda esa 1 o‘rin uchun 0,8-1,0 m² miqdorda qabul qilinadi.

Yirik 250 va undan yuqori xodimlar soniga ega bo‘lgan mamuriy binolar uchun estrada (ssena) va prezidum xonalariga ega bo‘lgan konferens zallar va tomosha zallari loyihalanadi. Konferens zallar va tomosha zallari 2.08.02-09 QMQning talablari asosida loyihalanadi.

Konferens zallar va tomosha zallarining sig‘imi shtatdagi xodimlar sonining 60-80% miqdorida qabul qilinadi. Konferens zallar va tomosha zallari tarkibida maydoni 12-15 m² bo‘lgan preporator va tovush apparatlari xonalari loyihalanadi.

Ilmiy ishlar bilan shug‘ullanuvchilar bilan mashg‘ulotlar olib borish uchun mo‘ljallangan o‘qitish xonalari va lingafon kabinetlarining maydonlari 10-15 kishi uchun 35-40 m², 20-25 kishi uchun 50 m² miqdorida qabul qilinadi.

Arxiv xonalarining maydonlari arxivda saqlanadigan xujjatlar soni, ularning hajmi va korxonada faoliyat ko‘rsatuvchi shtatdagi xodimlar sonidan kelib chiqqan holda loyihalash uchun topshiriq asosida 1000 birlikdagi xujjatlarni saqlash uchun 1 m² miqdorda qabul qilinadi. Sig‘imi 50-100 kishidan iborat bo‘lgan korxonalar uchun arxiv maydonini 10-12 m², sig‘imi 100-200 kishilik korxonalar uchun 15-18 m², sig‘imi 200-400 kishilik korxonalar uchun 20-25 m² qabul qilish tavsiya etiladi. Arxivlar maydoniga qo‘shimcha ravishda arxiv xodimining ishlashi uchun mo‘ljallangan 5-6 m² va keluvchilar uchun 3 m² maydon ham kiritiladi.

Loyihalash tashkilotlarida loyihalash kabinetlari va texnik arxivlarning maydonlari real saqlanadigan hujjatlar hajmidan kelib chiqqan holda loyihalash uchun topshiriq asosida qabul qilinadi; taxminan 200-300 xodimga ega bo‘lgan loyihalash tashkilotlari uchun arxiv sifatida maydoni 36-40 m² bo‘lgan ikki xonadan, 100-150 xodimga ega bo‘gan tashkilotlar uchun 30-40 m² bo‘lgan ikkita xonalardan foydalanish tavsiya etiladi.

Kutubxonalar maydonlari binoning hisobiy sig‘imi, saqlanadigan adabiyotlar hajmi va o‘qish zalidagi o‘rinlar sonidan kelib chiqqan holda loyihalash uchun topshiriq asosida aniqlanadi va 2.08.02-09 QMQning talablariga javob bermog‘i shart.

25 ming shartli birlik adabiyotlar saqloviga ega bo‘lgan kutubxonalarning rejaviy echimlarini yagona bir xona sifatida loyihalashga ruxsat beriladi. Kutubxonalarning maydonlarini xodimlar soni 100 kishigacha bo‘lganda taxminan 20-24 m², 150-200 kishigacha bo‘lganda 30-40 m², 300-400 kishi bo‘lganda 50-70 m² qabul qilish tavsiya etiladi.

200-300 kishilik xodimlarga va 35-40 ming tomlik adabiyotlar saqloviga ega bo‘lgan ilmiy-tekshirish institutlari tarkibida quyidagi xonalar loyihalanmog‘i lozim: kitob saqlash xonasi, o‘qish zali (25-30 o‘rinli), abonomentlar va azolar katalogi uchun avanzal, kitoblar berish kafedrasi, yangi adabiyotlarni tanishtirish (vыstavka) xonasi, adabiyotlarni komplektlash va mudir xonasi.