O‘zbekiston respublikasi oliy va o‘rta maxsus talim vazirligi jizzax politexnika instituti «Bino va inshootlar Qurilishi»

3. TOPSHIRIQNI O‘RGANISH.
Berilgan kurs ishi bo‘yicha topshiriqni aniq va qoniqarli tarzda bajarish uchun avvalo berilgan topshiriq uchun asosiy hajmiy-tarxiy va konstruktiv talablarni o‘rganib chiqmoq zarurdir. Kurs ishini bajarish uchun tayinlangan konsultant yordamida talaba o‘zi loyihalaydigan bino hamda unda kechadigan funksional jarayonlar haqida to‘liq tushuncha va tasavurrga ega bo‘lmog‘i hamda loyihani ishlash uchun quyidagi qo‘llanma va materiallar bilan tanishmog‘i lozim :

- adabiyotlar, QMvaQ;

- unifikatsiyalangan buyumlar va konstruksiyalar kataloglari;

- hozirgi kunda quriladigan yoki ishlab turgan binolarining analogik variantlari;

- turar joy binolarini loyihalashning memoriy-badiiy, texnologik va konstruktiv echimlariga tegishli bo‘lgan qo‘llanmalar;
YUqorida keltirilgan kerakli materiallar va qo‘llanmalar bilan tanishgandan so‘ng talaba binoda bo‘lib o‘tadigan funksional jarayon va badiiy-memoriy tasavvurga ega bo‘lib eskizli va kompleks loyihalash ishlarini bajarishga kirishishi mumkin. Kurs ishini bajarish eskizli loyihalashdan boshlanadi. Eskiz loyihalashda bino quriladigan tumanga tegishli bo‘lgan maxsus talablarni (zilzilaviy, iqlimiy, geologik shart-sharoitlar va h.k lar) o‘rganiladi. Eskiz loyihalash davrida ishlangan barcha rejalar, qirqimlar, fasad va qabul qilingan barcha konstruktiv elementlar konsultant bilan kelishilgan holda kompleks loyihalash uchun qabul qilinadi.