O‘zbekiston respublikasi oliy va o‘rta maxsus ta’lim vazirligi issn 2181-4732

 
АДАБИЁТЛАР
 
1. Ўзбекистон Республикасининг Ер кодекси. 
2. Жураев Д. О., Носирова Д.Р. Геодезия. Ўқув қўлланма. 1-қисм. Т., ТАҚИ, 2002. 
3. Нурматов Э., Ўтанов Ў. Геодезия Т., Ўзбекистон 2002 й. 
4. Федотов Г.А. ―Инженерная геодезия -М.: Выс. школа, 2004 - 463с. 
5. LaserScanning. Milan Horemuz. Austriya Zalzburg. 2014, 41 p. 
6. Trimble V10Imaging rover йўриқномаси. GERMANY2013-48 б. (33-36 бетлар). 
7. www.alib.ru, 
8. 
www.spr.ru
 

---

 
Innovatsion texnologiyalar №1 (29) 2018 y.
75 
AXBOROTLAR /ИНФОРМАЦИИ 

УЎК 297 (075) © Ибрагимов С.Э.
 
ДИНИЙ АҚИДАПАРАСТЛИК, УНИНГ МОҲИЯТИ ВА ЎЗБЕКИСТОНГА
КИРИБ КЕЛИШИ 
 
Ибрагимов С.Э.- “Ижтимоий фанлар” кафедраси катта ўқитувчиси (ҚМИИ)
(Давоми, боши ўтган сонда) 
Коммунистлар дин ва диндорларга шундай мунособатни давом эттириб, уларни 
бутунлай тугатиш ниятида эди. Бу ниятга улар ета олмадилар. Советларнинг динга нисбатан 
салгина эврилиши, эркинлик бериши иккинчи жаҳон уруши даврида, зарурият ортидан юзага 
келган эди. Яъни диний эътиқод, Ватанга муҳаббат тушунчаси билан йўғрилиб кетган эдики, 
Шўро тузуми буни яхши англар эди. Бошланиб кетган иккинчи жаҳон уруши Сталин ва 
унинг атрофидагиларнинг динга ва диндорларга муносабатларини ўзгартиришга мажбур 
қилди. Уруш ниҳоятда авж олган 1943 йилда СССР Минстрлар Совети ҳузурида Диний 
ишлар бўйича Кенгаш тузилиши мамлакатдаги диндорларнинг Совет давлатига
мунособатини ижобий томонга буриш учун хизмат қилиш лозим эди. Уруш жангоҳларида 
вужудга келган танглик вазияти динга шундай ён босишни тақоза қилган эди. Шу даврда 
Ўрта Осиёда ҳам бир қатор масжидлар фаолият бошлади. Диний уюшмалар тўғрисида қонун, 
қарорлар қабул қилинди, йўриқномалар чиқарилди. Бу тадбирлар атрофида олиб борилган 
кенг кўламли тарғибот ишлари диндорларнинг Совет давлатига мунособатида ижобий 
силжишлар ясаш учун имконият яратди. 
Совет диндорлари, руҳонийлар ва уламоларининг хурсандчилиги узоққа бормади. 
Урушни ғалаба билан якунлагач, Сталин ва унинг атрофидагилар дин ва диндорларга 
нисбатан тўнларини яна тескари кийиб олишди. 50-йилларда масжидлариннг сони 
камайтирила бошланди. 
Диний эътиқоддан воз кечишлар ва масжидларни ёпиш тўғрисидаги илтимосномалар 
динга қарши ҳаракатни кучайтириш учун мафкуравий асос тайёрлаш керак эди. 40-
йилларда ишлай бошлаган диний уюшмаларнинг кўпчилиги, асосан, мусулмон масжидлари 
яна қайтадан ёпила бошлади. 
Ўрта Осиё республикаларида жуда кўплаб масжидлар ёпилиб кетди.
50-йилларда 
ва 60 йиллар бошида мамлакатнинг баъзи минтақаларида 
ибодатхоналарни, шу жумладан, масжидларни ёпиш бўйича компания авж олдирилди. 
Меҳнаткашларнинг гўё масжидларнинг “кераксизлиги”, Оллоҳга эътиқодидан воз кечиш 
хусусидаги “баёнотлари” ва ҳокозалар бунга асос бўлиб хизмат қилди. 
Асримизнинг 50 йиллари охиридан то 80 йилларнинг охиригача Ўзбекистонда фақат 
80дан ортиқ масжиднинг фаолият олиб боришига ижозат берилган эди. Бу масжидларнинг 
ҳам яримига яқини Тошкент шаҳри ва Тошкент вилоятига тўғри келар эди. Пойтахтга чет 
мамлакатларидан жумладан, мусулмон мамлакатларидан турли-хил делегациялар, сайёҳлар 
келишини ҳисобга олиб, чет элликлардан шўролар ўз фуқароларига виждон эркинлигини 
берган экан, деган тасаввур туғдириш учун шундай қилинган эди. Аслида эса Самарқанд, 
Бухоро, Фарғона, Наманган вилоятларида 3-4 тадангина масжид ишлаб турарди. Бошқа 
вилоятларда масжидлар сони ундан ҳам оз эди. 
Кавказорти ва Шимолий Кавказдаги баъзи элатларнинг ўз юртларидан бадарға 
қилиниши Сталиннинг исломга нисбатан салбий муносабатининг яна бир кўриниши бўлди. 
Шу нарса эътиборга лойиқки, ислом билан тарихан боғлиқ элатларгина ўз ватанларидан 
бадарға қилинди. Репрессияга биринчи навбатда курдлар дучор бўлди. 30-йиллар охирида 
месхети туркларининг навбати келди: уларга аввал мактабларда она тилида таълим олиш,

---