O’zbekiston respublikasi oliy va o’rta maxsus ta’lim vazirligi islom karimov nomidagi toshkent davlat texnika universiteti

Шахта ва каръер устидаги технологик транспорт мажмуалари.
Рудник саноат майдончаси
Саноат майдончаси – шахта ёки рудникнинг ер юзасидаги майдончаси бўлиб унда технологик бинолар ва қурилмалар, механик устахона, вентилятор ва компрессор қурилмалари, нимстанция, маъмурий-маиший комбинат ва бир қатор ёрдамчи хизматларнинг хона ва бинолари жойлашади.
Ишлаб чиқариш бино ва қурилмаларининг жойлашиши ва қўлланилаётган транспорт ва ускуналарнинг тури рудани фабрикага жўнатишдан олдин қайта ишлаш усулига боғлиқ: бунда руда тўғридан-тўғри жўнатилиши ёки саноат майдончасида дастлабки майдаланиши ва бойитилиши мумкин.
Саноат майдончасидаги асосий қурилмалардан бири бош вертикал ёки қия стволнинг ва вертикал ёрдамчи стволининг шахта усти биноси ҳисобланади. Бош стволнинг шахта усти биносида шахтадан чиқаётган руда қабул қилиб олинади ва уни бойитиш фабрикасига ёки аккумулируюший складга жўнатилади. Бош вертикал ствол скипли ёки клетли юк кўтариш қурилмаси билан, қия ствол эса конвейер билан жиҳозланади.
Ёрдамчи вертикал стволнинг шахта усти биносида кон жинси қабул қилиниб ағдармага жўнатилади, ундан ташқари шахтага турли ёрдамчи юклар, материаллар ва ускуналар туширилади ва шахтадан ишлатилган материаллар ва ускуналар чиқарилади. Ёрдамчи стволдан одамлар туширилади ва чиқарилади.

6-расм. Темир рудаси қазиб олинадиган шахта (рудник) нинг саноат майдончаси

Рудник саноат майдончаси (6-расм) бош скипли ствол 1 ва ёрдамчи клетли ствол 2, маъмурий-маиший комбинат 3 блокларидан ташкил топган. Дастлабки майдаланган руда конвейер галареяси 4 бўйлаб бойитиш фабрикаси 5 га, у ердан тайёр махсулот конвейер галареяси 6 бўйлаб темир йўл вагонларига юклаш бункери 7 га ёки конвейер галареяси 8 бўйлаб омбор 9 га етказилади. Ёрдамчи ствол орқали чиқаётган қоплама кон жинслари автосамосваллар ёрдамида ағдармага ташилади.

Ёрдамчи клетли ствол мажмуасига таъмирлаш устахонаси 10, вентилятор ва калорифер қурилмалари 11, материаллар омбори киради. Саноат майдончасида котельная 12, компрессор станцияси, электр станция 13 ва шахта сувларини зарарлантириш қурилмаси 14 жойлашади. Яшаш жойлари ва саноат майдончаси асфальт йўл билан бирлаштирилади.