|
УЎК 631.11.004.67:665.66 © Хамроев О.Ж., Ахмедова Э.
БИОПРЕПАРАТЛАР НЕФТЬ МАҲСУЛОТЛАРИГА ТАЪСИР ЭТИШ
ҚОБИЛИЯТИНИ АНИҚЛАШНИНГ ТЕЗКОР УСУЛИ
Хамроев О.Ж.-
ЕУТТ кафедраси доценти, т.ф.н.;
Ахмедова Э.-
талаба (ҚарМИИ)
В статье изложен новый ускоренный метод определения способности
микроорганизмов на диспергацию нефтепродуктов,
основаный теоретическими и
экспериментальными исследованиями и результаты измерения оптической плотности
диспергируемых нефтепродуктов.
Innovatsion texnologiyalar №4 (28) 2017 y.
50
QISHLOQ VA SUV XO’JALIGI / СЕЛЬСКОЕ И ВОДНОЕ ХОЗЯЙСТВО
Ключевые
слова:
суспензия
микроорганизмов,
оптическая
плотность,
диспергирующая способность, стандартные условия, единица активности, бактерия, дрожжи,
нефтепродукты.
The article describes a new accelerated method for determining the ability of microorganisms
to disperse petroleum products, based on theoretical and experimental studies and the results of
measuring the optical density of dispersible petroleum products.
Key words:
suspension of microorganisms, optical density, dispersing capacity, standard
conditions, unit of activity, bacterium, yeast, oil products.
Таъмирлаш-сервис корхоналарида ишлатилган сувларни нефть ифлосликларидан
биологик тозалаш жараёни биопрепаратлар (нефть оксидловчи микроорганизмлар ва
уларнинг ҳаёт фаолияти маҳсуллари) воситасида амалга оширилади.
Ҳозирги вақтда нефть маҳсулотларини оксидловчи микроорганизмларнинг бир неча юзлаб
турлари (штаммлари) олимлар томонидан аниқланган бўлиб, ҳар кайси микроорганизмлар
штамми фақат маълум таркибдаги нефть маҳсулотларига энг яхши таъсир этиш қобилиятига эга,
бошқа таркибли нефть ёки унинг маҳсулотларига кучсизроқ таъсир этиши мумкин, айрим
ҳолларда эса, умуман таъсир этмаслиги ҳам мумкин. Шу боис, микроорганизмларнинг нефть
маҳсулотларига (нефть ифлосликларига) таъсир этиш қобилиятини ўрганиш муҳим аҳамият
касб этади.
Микроорганизмларнинг нефть маҳсулотларига таъсир этиш қобилиятини аниқлашнинг
мавжуд усуллари, уларнинг айни шу нефть маҳсулотлари бор бўлган муҳитда ўсиш (кўпайиш)
тезлигига асосланади. Аммо, ўсиш тезлигига қараб микроорганизмларнинг қобилиятини
баҳолаш жараёни ўта сермеҳнат ва узоқ вақт талаб этилади. Шу сабабли бу усулни техника
объектларини тозалаш жараёнига тадбиқ этиш максадга мувофиқ эмас.
Изланишлардан шундай хулосага келиш мумкинки, нефть маҳсулотлари микроорга-
низмлар томонидан ўзлаштирилиши икки босқичда ўтади. Дастлабки босқичда
микроорганизмлар нефть маҳсулотларини дисперсиялайди, яъни уларни жуда майда заррачалар
ҳолатига келтиради, сўнгра эса уларни ўзлаштира бошлайди. Бизнинг назаримизда, техника
объектларини тозалашда энг муҳими, микроорганизмларнинг нефть маҳсулотларини
дисперсиялаш қобилияти ҳисобланади. Чунки нефть ифлосликларини дисперсия ҳолатига
келтириш, уларни коллоид аралашма кўринишида бартараф этишнинг етарли шарти
ҳисобланади. Қайси микроорганизмнинг дисперсиялаш қобилияти кучли бўлса, тозалаш
жараёни ҳам самарали бўлади.
Микроорганизмларнинг дисперсиялаш қобилиятини ўрганиш учун олиб борилган
изланишларда шу нарса кузатилдики, микроорганизмлар таъсири натижасида ҳосил бўладиган
нефть маҳсулотлари эмульсиясининг оптикавий зичлиги ўзгариб туради. Дисперсияланиш
ҳодисаси давомида тозаланувчи муҳитнинг оптикавий зичлиги ортиб боради, оксидланиш
жараёни бошланиши билан эса оптикавий зичлик камая боради. Бу ҳол эса
микроорганизмларнинг дисперсияланиш қобилиятини аниклашга асос бўлиши мумкин.
Микроорганизмларни дисперсиялаш қобилиятини ўрганиш учун тажрибаларни қуйидаги
тартибда ўтказиш мумкин. Маълум тартиб ва шароитда олинган микроорганизмлар суспепзиясини
махсус тузли эритма (физиологик эритма) билан суюлтириб, унинг дастлабки оптикавий
зичлигини 0,6 бирлик деб белгиланади, сўнгра 3 та колба олинади. Биринчи колба
(тажрибавий колба) га дизель ёнилғиси ва микроорганизмлар суспензиясини 1:50 нисбатда (0,02
мл дизель ёнилғиси ва 1 мл микроорганизмлар суспензияси) солинади. Иккинчи (1-назорат)
колбадаги ўша тузли эритмага факат дизель ёнилғиси томизилади, учинчи (2-назорат) колбага
эса факат микроорганизмлар суспензияси солинади. Шундан кейин учала колбани ҳам махсус
Do'stlaringiz bilan baham: |
