O‘zbekiston respublikasi oliy va o‘rta maxsus ta’lim vazirligi islom karimov nomidagi toshkent davlat texnika universiteti

4. TASHKILOT STANDARTINI TASDIQLASH VA RO‘YXATDAN 
O‘TKAZISH TARTIBI 
 
Tashkilot standartlarini tashkilot rahbari (rahbar muovini), O‘z DSt 1.6 ga 
muvofiq, kelishuv varog‘ida (Axborot ma’lumotlari) "TASDIQLAYMAN" belgisi 
ostida buyruq (farmoyish) yoki muhrlangan shaxsiy imzo bilan tasdiqlaydi. 
Tashkilot standartini tasdiqlashda, zarur bo‘lganda, standartni qo‘llashga 
tayyorlash bo‘yicha tashkiliy-texnik chora-tadbirlar ham tasdiqlanadi. 
Tashkilot standartlari va ularga o‘zgartishlar, 11.11.2004 yil 1422 - ro‘yxat 
raqami bilan A.V. da ro‘yxatdan o‘tgan standartlashtirish bo‘yicha normativ 
hujjatlar toifalarini "O‘zstandart" agentligida tayyorlash va ro‘yxatga olish tartibi 
to‘g‘risidagi qoidaga muvofiq "O‘zstandart" agentligida yoki tashkilot joylashgan 
joyi bo‘yicha uning hududiy organlarida davlat ro‘yxatidan o‘tkazilishi kerak. 
Tashkilot standartlari va ularga o‘zgartirishlarni, ularni tasdiqlash kunidan 
boshlab 1 oydan kechiktirmasdan davlat ro‘yxatidan o‘tkazishga taqdim qilinadi. 
Tashkilot standartlarini davlat ro‘yxatidan o‘tkazishga quyidagi butlikda 
taqdim etiladi: 
- 
tashkilot standarti davlat tilida va zarur bo‘lganda, boshqa tillarda
to‘rtta nusxada, ularning ikkitasi dastlabki bo‘lishi kerak; 
- 
ilova xati; 
- 
uning kelishilganligini tasdiqlovchi hujjatlarning nusxalari (xatlar, 
bayonnomalar va b.); 

---

46 
- 
belgilangan formatda tashkilot standartining elektron versiyasi; 
- 
O‘z DSt 1064 bo‘yicha mahsulotning katalog varag‘i. 
Davlat 
ro‘yxatidan 
o‘tkazish uchun tashkilot standartlarini 
broshyuralangan ko‘rinishda taqdim qilinadi. Muqovada standartning belgilanishi 
va nomlanishi ko‘rsatib o‘tiladi. 
Tashkilot standartini ro‘yxatdan o‘tkazgandan keyin ikkita ekzemplyari 
Normativ hujjatlarning davlat fondiga beriladi, normativ hujjatning asl nusxasi va 
nusxasining ikkinchi ekzemplyari normativ hujjatning asl nusxasining egasiga 
qaytariladi. 
Tashkilot standartiga standartni ishlab chiquvchi tashkilot tomonidan 
belgilanish beriladi. 
Tashkilot standartining belgilanishi umumiy holda quyidagi tarzda tuziladi: 
Ts XXXXXXXX-XXX:XXXX, 
12 
3 4 
bu yerda: 
1 
- Ts tashkilot standartining xarfli indeksi; 
2 
- Korxona va tashkilotlarning umumdavlat tasniflagichi (KTUT) 
bo‘yicha tashkilotning sakkiz razryadli kodi; 
3 
- tashkilot standartining tartib raqami; 
4 
- standart tasdiqlangan yil. 
Tadbirkorlik faoliyati bilan shug‘ullanuvchi jismoniy shaxslar KTUT 
kodining o‘rniga tashkilotning ro‘yxatga olish raqamini ko‘rsatadilar. 
Tashkilot standartining tasniflash kodi (SUT) O‘z DT 002 Standartlarning 
umumdavlat tasniflagichi bo‘yicha belgilanadi, shuningdek tashkilot standarti 
taaluqli bo‘lgan mahsulot (OKP) yoki xizmatning tasniflash kodi (OKU) O‘z DSt 
1.6 talablariga muvofiq tashkilot standartining bibliografiya ma’lumotlarida 
keltiriladi. 
Tashkilot standartining talablariga, ushbu standartni tasdiqlagan tashkilotda 
va uning tuzulmali bo‘linmalarida (korporatsiya yoki idoraga oid qarashli bo‘lgan 
holda) standartni amalga joriy qilish vaqtidan (sanasidan) boshlab rioya qilinishi 
lozim. 
Agar mahsulot va xizmatlar ishlab chiqaruvchilarning (yetkazib beruvchi) 
ilova yoki ekspluatatsion hujjatlarida yoki shartnomada (kontraktda) ushbu 
standartlar ko‘rsatib o‘tilgan holat bo‘lsa, tashkilot standartlari mahsulot 
buyurtmachilari (iste'molchi) tomonidan qo‘llanilishi mumkin. Shartnomada 
(kontraktda) zarur bo‘lganda, tashkilot standartiga keyingi o‘zgartishlar kiritish 
xaqida ma’lumotlar olish to‘g‘risidagi nizom nazarda tutiladi. 
Mahsulot iste’molchisi, GOST 24297 bo‘yicha kirishdagi nazoratni 
o‘tkazish uchun sotib olinayotgan mahsulotga tashkilot standartidan foydalanishi 
mumkin.