8 – sonli Davlat maktabgacha ta’lim tashkilotining 2020 – 2021 o’quv yili uchun

O’zbekiston Respublikasi

Maktabgacha ta’lim Vazirligi

Andijon viloyati Qo’rg’ontepa tumani

Maktabgacha ta’lim bo’limiga qarashli

8 – sonli Davlat maktabgacha ta’lim tashkilotining

2020 – 2021 o’quv yili uchun

9 oylik

XISOBOTI

Qo’rg’ontepa tumani 8 – sonli Maktabgacha ta’lim tashkiloti o’z faoliyatini O’zbekiston Respublikasi Konstitutsiyasiga, “Ta’lim to’grisida”gi qonuniga, O’zbekiston Respublikasi Prezidentining farmonlari, Respublika hukumatining qarorlari, O’zbekiston Respublikasining “Maktabgacha ta’lim to’grisida”gi qonuniga, “Maktabgacha ta’lim va tarbiya davlat standartlariga, O’zbekiston Respublikasining ta’lim sohasidagi boshqa me’yoriy hujjatlariga va tashkilot Ustaviga amal qilgan holda faoliyat yuritib kelmoqda. Bugungi kunda tashkilotda 7 ta guruh faoliyat olib bormoqda, ularda jami 205 nafar bola jalb qilingan. Tashkilotda 1 ta kichik, 1 ta o’rta 2 ta katta , 2 ta tayyorlov va guruhlari faoliyat yuritadi.

DMTTda DMTTning yillik ish rejasi bo’yicha barcha tadbirlar, maktab, mahalla va oila hamkorlik ishlari yil davomida muntazam ravishda olib borildi. DMTTda tarbiyachi – pedagoglarning malaka oshirish istiqbol rejasi mavjud bo’lib muntazam bajarilib kelinmoqda. DMTTda tarbiyachi – pedagoglarning faoliyatlarini ommalashtirish rejasi metod birlashma ish hujjatida ishlab chiqilgan va ijrosi oyma – oy ta’minlangan. DMTTda pedagogik kengashlar o’z vaqtida o’tkizilgan va undagi masalalarga alohida yondashilgan. DMTT pedagoglarining ish hujjatlari mtt rahbari va mtt metadisti tomonidan doimiy nazorat tekshiruvlarida bo’lgan. DMTTda haftaning dushanba kunlari metodik kun sifatida , chorshanba kunlari qo’girchoq teatri kunlari, payshanba kunlari kitobxonlik kunlari , juma kunlari esa ma’naviyat kunlari sifatida belgilanib reja asosida turli tadbirlar, uchrashuvlar, metodik soatlar o’tkazildi.

2020 - 2021 o’quv yili davomida Ilk qadam o’quv dasturi bo’yicha samarali ishlar olib borildi. Shuningdek , ta’lim - tarbiyaviy jarayonni sifatli tashkil etish maqsadida guruhlarda 5 ta markaz bo’yicha dasturga asoslangan xolda burchaklar sifatli tashkil etildi. Bolaning rivojlanish sohalari kompetentsiyalari bo’yicha metadist, tarbiyachi hamda ota – onalar bilan hamkorlik ishlari olib borildi. Guruh tarbiyachilari tarbiyalanuvchilar bilan birgalikda Prezidentimiz tomonidan joriy etilgan ‘’5 tashabbus’’ loyihasi bo’yicha tadbirlar tashkil etildi. Tadbirda iqtidorli bolalar o’z iqtidorlarini san’at, sport, rassomlik qobiliyatlarini namayon etdilar va tashkilot tomonidan taqdirlandilar.

Bolalarda Milliy - madaniy an’analar qadriyatini oshirish , O’zbek millliy madaniyatini hurmat qilish , buyuk siymolar va ularning ijodi bilan tanishtirish va ularga nisbatan hurmat hissini uygotish maqsadida tashkilotda Konstitutsiya bayrami , Vatan himoyachilari kuni , A.Navoiy va Z.M.Bobur tavallud kunlari o’tkazildi. Tashkilotda bolalarni jismoniy rivojlanishiga qo’yilgan talablar asosida guruhlar o’rtasida sport musobaqalari o’kazildi.

Yil davomida tarbiyachi pedagoglar o’quv dasturi bo’yicha guruhlarda ochiq mashgulotlar olib borishdi. Olib borilgan va namunali deb topilgan ochiq ta’limiy faoliyatlar tuman miqyosida ommalshtirishga taqdim etib borildi. DMTTda reja bo’yicha pedagogic kengashlar o’z vaqtida o’tkizildi, tashkil etilgan pedagogik kengashlarda Maktabgacha ta’limga oid qabul qilingan qaror va farmonlar o’rganib borildi , shuningdek ,’’ Maktabgacha ta’lim metodikasi’’ jurnalidagi ilgor tajribalar o’rganildi. Yil davomida reja bo’yicha frontal va qiyosiy nazoratlar olib borildi . Ilk qadam o’quv dasturi bo’yicha guruhlar 5 ta markazga asosan jihozlangan va o’quv qo’llanmalar ilk qadam va 5 tashabbus loyihasi bo’yicha joriy etilgan holda yil davomida ta’lim - tarbiya jarayonlari olib borildi. Yil davomida mttda “Zumradoylar davrasida”, “Qogirchoq teatri” , “Shaxmat – shashka” to’garaklari, “Qiziqarli matematika” to’garaklari o’z faoliyatini olib bordi. Shu bilan birga Ustoz – shogird an’anasi bo’yicha ishlar yaxshi yo’lga qo’yilgan, ko’p yillik tajribaga ega bo’lgan tarbiyachilar yosh tarbiyachilar shogird qilib boglangan. Umumiy ota – onalar yigilishlari reja asosida o’z vaqtida o’tkazildi.

DMTTning oila , mahalla va maktab bilan hamkorlik ishlari keng yo’lga qo’yilgan hamda omalga oshiriladigan hamkorlik ishlari ishlab chiqilgan va ijrosi ta’minlangan. Shuningdek, mahalla bilan obodanlashtirish ishlari, bolalarni mttga qamrab olish, maktab bilan majburiy ta’lim guruhlari ustida ishlash va maktab ta’limiga tayyorlash hamkorlik ishlari va tadbirlari olib borildi.

Ma’naviy – ma’rifiy ishlar samaradorligini oshirish bo’yicha qo’shimcha chora – tadbirlar to’grisida PQ – 4307 ijrosini ta’minlash maqsadida, DMTTda va guruh xonalarida “ Ma’naviyat va ma’rifat” burchaklari tashkil etildi ma’naviyatga oid qaror va buyruqlar o’rganildi, 2020 – 2021 o’quv yili uchun ma’naviy tadbirlar “Yo’l xaritasi” ishlab chiqildi va ijrosi ta’minlanib kelinmoqda. Xaftaning har juma kuni “Ma’naviyat” kuni deb e’lon qilindi. Shu kuni ma’naviyat soatlari o’tkizildi. DMTTda yil davomida musiqa rahbarlari hamda tarbiyachilar hamkorligida

• 
  Til bayrami
  
• 
  Hosil bayrami
  
• 
  Konstitutsiya bayrami
  
• 
  Yangi – yil bayrami
  
• 
  Vatan himoyachilari kuni
  
• 
  Buyuk siymolar tavallud kunlari
  
• 
  Onajonlar bayrami
  
• 
  Navruz bayrami
  
• 
  Xotira va qadrlash kuni
  
• 
  Xayr bogcham ertaligi
  
• 
  Bolalar kuni bayram ertaliklari o’z vaqtida o’tkizildi.
  

Shuningdek , mtt metadisti tomonidan o’quv semenarlari va metodik maslahat soatlari olib borildi.

Maktabgacha ta’lim Vazirligi tomonidan bepul taqdim etilgan ko’rgazmali qurollar, didaktik va rivojlantiruvchi o’yinlar, kartatekalar, dastur mavzulariga oid ko’rgazma , rasmlardan foydalanish hamda ularni saqlash bo’yicha mttda dekabr oyida “DMTTda didaktik o’yinlar va tarqatma materiallardan foydalanish “ mavzusida o’quv semenari tashkil etildi. Semenarda tuman mtt pedagog – tarbiyachilari tashkil etildi.

DMTTda oilalarga kitobxonlikni singdirish maqsadida “Kitobxon oila” , “Ertakchi bolajon” ko’rik tanlovlarini o’tkazildi va goliblar taqdirlandi. Shuningdek , aprel oyida guruhlar o’rtasida va xodimlar o’rtasida sport musobaqalari o’tkazildi.

Yil yakunida mttda “Xayr bogcham” bayram tadbiri , “ Soglomjon – polvonjon” sport musobaqalari va 1 – iyun Xalqaro bolalarni himoya qilish kuniga bagishlangan bayram tadbirlari ko’tarinki ruhda o’tkazildi.

DMTTda yozgi soglomlashtirish oyligini munosib o’tkazish maqsadida mtt rahbariyati , tarbiyachi – pedagoglar va barcha xodimlar tomonidan jiddiy tayyorgarlik ishlari olib borildi, metadist va tarbiyachilar hamkorligida sog’lomlashtirish ishchi dasturlarni va chora-tadbirlarni ishlab chiqildi. DMTT direktori tomonidan tasdiqlandi va foydalanishga topshirildi.

DMTT pedagog – tarbiyachilari reja bo’yicha malaka oshirishga jalb etildi, malaka oshirib qaytgan pedagoglarni ilgor ish tajribalari o’rganildi. Ayni damda mttda 10 nafar tarbiyachilar shulardan 10 nafari o’rta maxsus pedagoglar 1 nafar oliy ma’lumotli uslubchi 1 nafar nomutaxasisi oliy ma’lumotli psixolog faoliyat yuritadi. 2020 – 2021 – yil o’quv yili davomida Direktor, metadist va defektolog pedagoglar malaka oshirishdi va 2 nafar tarbiyachi malaka oshirishga jalb etildi. Shuningdek, yil davomida Pedagog va xodimlarning mehnat ta’tillari ko’rib chiqildi va belgilandi. 2020 – 2021 o’quv yili yakuni bo’yicha pedagog - tarbiyachilardan amalga oshirilgan ishlar yuzasidan yillik xisobotlar tayyorlandi va tasdiqlandi.

DMTT direktori : B.Alijonova

DMTT Metadisti M.Karimjonova