O‘zbekiston respublikasi oliy va o‘rta maxsus ta’lim vazirligi islom karimov nomidagi toshkent davlat texnika universiteti

Тўла санитар обработкаси. Аҳолини тўла санитар обработкасидан ўтказиш махсус жиҳозланган стационар ювувчи пунктларда, ҳаммомларда, душ павильонларида, санпропускникда ташкил этилади. Бундан ташқари санитария обработкаси пункти очилади, унда одамларни душда ювинтириш учун дезинфекцияловчи душ қурилмасидан ёки ДДП прицепидан фойдаланилади.

ДДА одамларни душда иссиқ сув ва совун билан бошдан – оёқ ювинтириб, кийим-бош, пойабзал,индивидуал ҳимоя воситалари ва бошқа юмшоқ предметларни дезинфекциялаб, тўла санитария обработкасидан ўтказишга мўлжалланган. Бир вақтнинг ўзида 24 киши ювиниши мумкин бўлгани ҳолда бир соатда 40 – 70 кишига хизмат қила олади. Агар кийимларини дезинфекция қилинмаса 60 – 90 кишига хизмат қилади. ДДПда битта дезинфекция камераси ва битта асбоб бор.

Ювиш пунктларида қуйидагилар очилади:

1.Санпропускник

2. Кийим-бош ва пойабзални дезактивацияловчи майдонча

3.ЗМ ва бактериологик воситалардан зарарланганларни тозалашда кийим-бош ва пойабзални зарарсизлантириш учун майдонча ташкил қилинади.

Зарарланганлар ва ярадорларни тўла санитария обработкаси ОПМ да ёки шаҳардан ташқаридаги касалхоналарда ўтказилади. Бу ерда мана шу мақсад учун санпропускник ёки худди шу схемадаги алоҳида махсус тозалаш хонаси ташкил қилинади. У аҳолини тозалашдан ўтказиш учун қўлланилади. Ечиниш, душ, кийиниш ва дезактивацияловчи майдончадан иборат бўлган санпропускник очилади.

Ечиниш хонасида зарарланганлардан зарарланган кийимларини ечиб олиб зарарсизлантириш учун юборилади. Кийим – бошни дезактивациялаш дезактивация майдончасида, дезинфекция ДДАда ёки буғ – формалин камераларида утказилади. Дегазация қилиш учун қайнатилади, шамоллатилади ёки зарарсизлантирувчи станцияга жўнатилади. Тиббий ходимлар дезактивация майдончасида ва ечиниш хонасида шахсий ҳимоя воситалари билан ишлайдилар, иш тугагач тўла санитария обработкасидан ўтадилар.