O‘zbekiston respublikasi oliy va o‘rta maxsus ta’lim vazirligi islom karimov nomidagi toshkent davlat texnika universiteti olmaliq filiali

Joriy nazoratni baholash

Savol-javob orqali nazorat o‘tkazish uchun o‘tilgan mavzular yuzasidan savollar variantlar tuziladi	“5” -а’lo	Mavzu yuzasidan tuzilgan savollar talabalar uchun variantlari ko‘rinishida bo‘ladi. Talaba og‘zaki va yozma savollarning mohiyatini tushunishi, tasavvurga ega bo‘lishi, bilishi bilan birgalikda savol mazmunini ilmiy ma’lumotlar asosida yoritib bera olishi kerak. Talabaning bayoni aniq, nutqi ravon, mustaqil fikrlab, izchillik bilan, ilmiy terminlarga ijodiy yondashgan holda javob berishi kerak. Ma’lumotlarni taqqoslab aniq xulosalar chiqara olishi lozim. Berilgan topshiriqlar barchasi bajarilgan bo‘lishi shart. Shu asosida erkin, mustaqil fikrlab, so‘zlab berishi kerak. Bajargan ishlarini bir-biriga taqqoslay olishi, ahamiyatini yoritib bera olishi kerak. Amaliy mashg‘ulotlar bo‘yicha savolga javobni gapirib berish, mustaqil xulosalarni chiqara olishi lozim. Talaba savolga shu mezon asosida javob bergan bo‘lsa “5” baho qo‘yiladi.
	“4”- yaxshi	Savollar yuzasidan tasavvurga ega bo‘lishi, mohiyatini tushuna olishi, ilmiy ma’lumotlarni bilishi kerak. Amaliy mashg‘ulotlarni bajarib ko‘rsatishlari kerak. Berilgan topshiriqlar barchasi bajarilgan bo‘lishi shart. Shu asosida erkin, mustaqil fikrlab, so‘zlab berishi kerak.Mustaqil fikrlay oladi, lekin ma’lumotlarni taqqoslay olmaydi. Materialni bayon qilishda izchillikka rioya qilmaydi. Xulosalari sayoz, savol mazmunini umumlashtirishga qiynaladi. Talaba barcha savollarga ham shu mezon asosida javob bergan bo‘lsa “4” baho qo‘yiladi.
	“3”-qoniqarli	Amaliy mashg‘ulotlarni bajarib ko‘rsatishlari kerak. Berilgan topshiriqlar barchasi bajarilgan bo‘lishi shart. Talaba og‘zaki va yozma savollar mohiyatinini tushunadi, tasavvurga ega, lekin savolga javob berishda izchillikka rioya qilmaydi. Ilmiy ma’lumotlarni qisman biladi. Mustaqil mushohada yurita olmaydi. Savol mazmunini qisman bayon qilib beradi. Xulosa chiqara olmaydi. Ilmiy terminlarni izohlay olmaydi. Talaba shu mezon asosida javob bergan bo‘lsa “3” baho qo‘yiladi.
	“2”- qoniqarsiz	Ma’lumotlarni taqqoslab aniq xulosalar chiqara olmaydi. Amaliy mashg‘ulotlarni to‘liq bajarmagan. Talaba og‘zaki savollar mohiyatini tushunmasa, ilmiy ma’lumotlarni bayon etishda qo‘pol xatoliklarga yo‘l qo‘yilsa, ma’lumotlar asosida mustaqil fikr umuman yoritilganmagan va savol mazmunini tushunmaydi. Bilim va tasavvurga ega emas. Javob bera olmaydi. Talabaga “2” baho qo‘yiladi.