O’zbekiston respublikasi oliy va o’rta maxsus ta'lim vazirligi guliston davlat universiteti

Tur. Dorivor limono’t - Melissa officinalis L.  
Dorivor limono’t - Melissa officinalis L. Yokimli limon  hidi kelib turadigan, mayin 
tuklar bilan qoplangan ko’p yillik o’tsimon o’simlik. Ildizpoyasi juda shoxlab  o’sib, 
yer  tagidan  novdalari    bo’ladi.  Poyasi  to’rt  qirrali,  sershox,  bo’yi  120  sm  gacha 
boradi,  tukli  va  barglari  qarama-qarshi  joylashgan,  bandli,  tuxumsimon  shaklda 
pastki tomoni tuklar bilan qoplangan, uzunligi 8 sm gacha boradi, gullari uchki barg 
qo’ltig’laridan  chiqadi,  uzun  bandli  bo’lib,  gul  tojisi  oq,  tashqi  tomondan  siyrak 
tuklar  bilan  qoplangan.  Mevasi  deyarli  uch  qirrali, to’q  jigarrangli  4  ta  cho’zinchoq 
yong’oqcha.  
 
Iyun - avgustda gullaydi, mevalari iyul - avgustda etiladi. Limono’t preparatlari 
yurak  ishiga  yaxshi  ta'sir  o’tkazadi,  hansirash,  taxikardiya  xurujlarini  (yurakning 
birdan  tez-tez  urib  ketish  xillarini),  yurak  sohasidagi  og’riqlarni  kamaytiradi,  qon 
bosimini 
pasaytiradi. 
Bolgariyada 
limono’tdan 
og’riqni 
qoldiradigan, 
tinchlantiradigan,  ishtahani  ochadigan  va  qusishga  qarshi  ta'sir  qiladigan  vosita 
tariqasida foydalaniladi. 
Limono’tni  asablar  bo’shlig’i,  bosh  og’rig’i  (migren),  podagra,  kamqonlik, 
uyqusizlikda,  arterial  gipertoniya,  aterosklerozda,  shuningdek,  badanga  toshma 
toshganida, chipqon chiqqanida, stomatitlarda ishlatish tavsiya etiladi.  
Zamonaviy  tabobatda  limono’tning  efir  moyi  xuddi  valerianaga  o’xshab 
tinchlantiruvchi ta'sir ko’rsatishi aniqlangan.