O‘zbekiston respublikasi oliy va o’rta maxsus ta’lim vazirligi farg’ona davlat

Xalqaro huquq - davlatlar va xalqaro munosabatlarning boshqa sub’ektlari o’rtasida olib boriladigan siyosiy, iqtisodiy, ma’naviy va axloqiy sohalardagi aloqalarning qonun va qoidalari majmuidir.
1945 yili BMT tashkil topdi. Uning Nizomida yangi davrda mamlakatlar o’rtasidagi munosabatlarni tartibga solib turishda muhim ahamiyatga ega bo’lgan xalqaro huquqning asosiy tamoyillari ishlab chiqildi.
Xalqaro siyosiy munosabatlarda vujudga kelgan mojaroli muammolarni xalqaro huquq, qonun-qoidalari negizida tinch yo’l bilan hal qilish maqsadida Xalqaro Sud faoliyat ko’rsatadi. (Masalan, xunrezlik ishlarini olib borgan Yugoslaviya Prezidenti Slavada Miloshevich ana shu Gagadagi Xalqaro sud tomonidan tergov qilindi.).
Xalqaro siyosiy munosabatlarda amal qilinadigan tamoyillar.
BMT Ustavi va boshqa hujjatlarda xalqaro siyosiy munosabatlarda amal qilinadigan tamoyillar quyidagilardan iborat:

1. 
   davlatlarning suveren tengligini hurmat qilish, ularning ichki ishlariga aralashmaslik;
   
2. 
   tinch-totuv yashash siyosatiga og’ishmay amal qilish;
   
3. 
   xalqaro kelishmovchiliklarni siyosiy yo’l bilan hal qilish;
   
4. 
   davlatlar chegaralarining daxlsizligi va hududining bir butunligini tan olish;
   
5. 
   inson huquqlarini hurmat qilish;
   
6. 
   millatlar va elatlarning o’z huquqlarini o’zlari belgilash;
   
7. 
   xalqaro majburiyatlarga vijdonan amal qilish.
   

BMT ning 1970 yilda qabul qilingan Deklaratsiyasiga asosan suveren tenglik tushunchasi quyidagi talablarni o’zida ifoda etadi:
a) davlatlarning yuridik jihatdan tengligi;
b) bir davlat boshqasini hamkorlikning sub’ekti sifatida hurmat qilishi;
v) har bir mamlakatning siyosiy mustaqilligini, hududining bir butun-ligini tan olish;
g) har bir davlat o’zining iqtisodiy, ijtimoiy-siyosiy va madaniy rivojini o’zi belgilashi.
d) har bir davlat o’zining xalqaro majburiyatlarini so’zsiz bajarishi va boshqalar.


4. Jahon ijtimoiy-siyosiy hayotida xalqaro tashkilotlarning vujudga kelishi va uning turlari. O’zbekiston davlatining xalqaro siyosiy tashkilotlarda ishtirok etishi va uning ahamiyati