O’zbekiston respublikasi oliy va o’rta maxsus ta’lim vazirligi farg’ona davlat universiteti filologiya fakulteti O'zbek tili kafedrasi Kompyuter lingvistikasi fanidan mustaqil ishi bajardi: Abdurahmonova I qabul qildi: Abdullayev. Sh

O’ZBEKISTON RESPUBLIKASI OLIY VA O’RTA
MAXSUS TA’LIM VAZIRLIGI FARG’ONA DAVLAT
UNIVERSITETI
Filologiya fakulteti O'zbek tili kafedrasi Kompyuter lingvistikasi fanidan
MUSTAQIL
ISHI


Bajardi: Abdurahmonova I
Qabul qildi: Abdullayev.Sh
Farg’ona 2021
Algoritmlarni grafik ifodalash vositalari

Reja:

1. Umumiy tushunchalar

2. So‘zlar bilan yozilgan algoritm

3. Takrorlanuvchi tuzilishdagi algoritm

Umumiy tushunchalar

Yaratilgan algoritmlarni bajarish uchun qo‘llaniladigan maxsus qurilma bu elektron hisoblash mashinasi hisoblanadi va u hozirgi paytda kompyuter deb nomlanadi. Har qanday algoritm kompyuter tushuna oladigan tilda yozilishi kerak. Ushbu tillarni dasturlash tillari deb aytishadi, ushbu tilda yozilgan algoritmni esa dastur deb atashishadi.
Hozirgi kunda dasturlash tillari juda ko‘p bo‘lib, ular kompyuterga bog‘liqligiga qarab tasniflanadi. Bu erda biz dasturlash tillarining nomlarini tarjimasiz asl nomi va yozilishi bilan keltiramiz.
Ushbu sohaga ta’luqli asosiy ta’riflarni keltiramiz:
Algoritm – vazifani bajarishga qaratilgan aniq belgilangan qoidalarning tartiblangan chekli to‘plami.
Algoritmik til – biror masala yechimini algoritm ko‘rinishida yozishga imkon beradigan dastur tuzish tili.
Dasturlash tili – Kompyuterlar uchun dasturlar (ko‘rsatmalar yig‘masi) yozilgan, uni u yoki bu harakatlarni bajarishiga majbur qiladigan rasmiy til. Dasturlash tilida yozilgan ko‘rsatmalar dastlabki kod deb ataladi. Dastlabki kod kompyuterda amalda bajarilishidan avval, uni mashina kodiga yo bo‘laklab talqin qilish, yo batamom talqin qilish zarur. Dasturlash tilining ta’rifi quyidagilarni o‘z ichiga oladi:

1. 
   Mumkin bo‘lgan belgilar ro‘yxatini;
   
2. 
   Tayanch so‘zlar ro‘yxatini;
   
3. 
   Sintaksisni (belgilarni va zahiralangagi so‘zlarni birikmalash usullarini);
   
4. 
   Semantikani (dasturlash tilining birikmalar ma’nosini).