O’zbekiston respublikasi oliy va o’rta maxsus ta’lim vazirligi farg’ona politexnika instituti

Kurs ishlarini taqriz qilish tartibi
Tugallangan kurs ishi himoyaga qo’yilishdan oldin taqriz qilinishi kerak. Bunda birinchi navbatda tayyorlangan ishning ijobiy tomonlarini, keyin esa kamchiliklarini ko’rsatib, ularni bartaraf etish yo’llari ko’rsatilishi kerak. Taqrizdan oldin kurs ishi albatta diqqat bilan o’qib chiqilishi kerak, aks holda nomigagina yozilgan taqrizlar tufayli sifat jihatidan talabga javob bermaydigan kurs ishlari ham ijobiy baholanib ketilishiga yo’l qo’yilishi mumkin.
Kurs ishlarini taqriz qiluvchi professor-o’qituvchilar oldiga quyidagi talablar qo’yiladi:

• 
  kurs ishini dastlab taqrizga olgan vaqtda ushbu kurs ishi mavzusining dolzarbligini yoritganligiga va qo’yilgan rejaning asoslanish darajasiga baho berish hamda kamchiliklarni izohlashi;
  
• 
  kurs ishining mazmuniga umumiy baho berish va unda yo’l qo’yilgan xatolarni ko’rsatish, shuningdek, talabaga kamchiliklarni tuzatish yo’llari bo’yicha maslahat berish hamda shunga tegishli muloxazalarni taqriz varag’iga yozib qo’yish;
  
• 
  taqrizda kurs ishining birinchi navbatda, ijobiy tomonlarini ko’rsatish bilan birga, barcha salbiy tomonlarini ham chuqur tahlil qilib, mohiyati yoritilmagan savollarni talabaga tushuntirib berish;
  
• 
  kurs ishida har bir betning chetiga va taqrizning o’zida yoziladigan mulohazalarda mustaqil bajarilgan ishda qaysi muammolarga, ya’ni qaysi savollar mohiyatini yoritishga ilmiy-ijodiy yondoshganligini, qaysi birlarini to’ldirish zarur ekanligini ko’rsatish;
  
• 
  nazariyaning amaliyot bilan uzviy ravishda bog’lab olib borilish darajasini ko’rsatish;
  
• 
  erkin iqtisodiy munosabatlar sharoitida o’rganilayotgan muammolarning O’zbekiston misolida hal qilishning yo’l-yo’riqlarini nazariy jihatdan asoslanishga baho berish;
  
• 
  talabalar tanlangan kurs ishini bajarish orqali sanoatnig mohiyatini chuqur, atroflicha o’rganib,uning hozirgi zamon bozor iqtisodiyotidagi xususiyatlarini ko’rsatib berilganlik darajasini baholash.
  

Professor-o’qituvchilar taqriz yozish jarayonida avvalo kurs ishining ijobiy tomonlarini, keyin esa talaba yo’l qo’ygan kamchiliklarini ko’rsatib, uni baratraf qilish yo’llarini bayon qilish zarur. Kurs ishidagi kamchiliklar bartaraf etilgan so’ng uni himoya qilishga ruxsat beriladi.Kurs ishi himoyasi kafedra tomonidan tashkil etilgan komissiya tomonidan amalga oshiriladi.