O`zbekiston respublikasi Oliy va o`rta maxsus ta`lim vazirligi farg‘ona davlat universiteti

Ўқув фанининг мақсад ва вазифалари
Фанни ўқитишдан мақсад – талабаларда демография асослари бўйича назарий билим, кўникма ва малака шакллантиришдир.
Фаннинг вазифаси – талабаларга аҳоли такрор барпо бўлиш қонуниятлари ҳақида билимлар бериш, демографик жараёнлар, уларни хақиқий ҳолатини ёритувчи коэффициентлар, уларни ҳисоблаш, таҳлил қилиш ва бунинг асосида хулосалар чиқаришни ўргатишдан иборат.


Фан бўйича билим, малака ва кўникмага қўйиладиган талаблар
“Демография асослари” фанини ўзлаштириш жараёнида талаба:

• 
  демографиянинг мустақил фан сифатида ривожланиш тарихи, мақсади, вазифалари, предмети, демографиянинг фанлар тизимида тутган ўрни, ижтимоий, иқтисодий ва табиий фанлар билан алоқалари ҳақида билиши;
  
• 
  аҳоли таркиби ва демографик жараёнларни ўрганиш манбалари: аҳоли рўйхатлари ва уларнинг дастурлари, аҳоли табиий ҳаракатининг статистик кўрсаткичлари, аҳоли регистрлари, демографик жараёнларни рўйхатга олиб бориш, социологик-демографик тадқиқотлар ҳақида мукаммал тасаввурга эга бўлиши;
  
• 
  аҳолининг такрор барпо бўлиши, туғилиш, ўлим, никоҳ ва ажралиш каби демографик жараёнларни умумий ва махсус коэффициентларини, аҳоли такрор барпо бўлишининг брутто ва нетто коэффициентларини мустақил ҳисоблаши ва уларни халқаро миқёсида республикамиз ҳудудлари бўйича ўзига хос хусусиятларини замонавий ахборот технологиялари, махсус адабиётлар ёрдамида таҳлил этиши;
  
• 
  демографик маълумотларни уларнинг бирламчи манбалари (ФҲДЁ, ички ишлар органлари, статистика бўлимлари)дан тўплаш, саралаш, таҳлил қилиш; ижтимоий демографик сўровлар анкеталарини тузиш, бундай сўровлар ўтказишни ташкил қилиш ва бундай маълумотлардан фойдаланиш тажрибасига эга бўлиши;
  
• 
  аҳоли сони, таркиби, такрор барпо бўлиши ва бошқа демографик жараёнларни ўрганишда, демографик прогнозлар ишлаб чиқишда статистик, математик, социологик ва тарихий таққослаш усулларидан ўринли фойдаланиш имкониятига эга бўлиши керак.