O‘zbekiston respublikasi oliy va o‘rta maxsus ta’lim vazirligi buxoro davlat universitetining pedagogika instituti

to‘rtinchidan,
milliy g‘oya targ‘iboti va ma’naviy-ma’rifiy tadbirlarni tashkil etishda vatanparvarlik tarbiyasi, xalqimizning ezgu ideallari va oliyjanob maqsadlariga sadoqat g‘oyalari shior darajasidagina qolib, milliy g‘oyaning jahon tajribasidan o‘tgan umuminsoniy qonuniyatlari va O‘zbekistonga xos zamonaviy tamoyillarini amaliyotga tadbiq etishning samarali mexanizmlari joriy etilmagan;
yurtimizdagi yangilanishlar va islohotlarga daxldorligini chuqur his qiladigan, mamlakatimizni eng rivojlangan davlatlar qatoriga kirishi zaruriyatini anglaydigan va bu yo‘lda faol fuqarolik pozitsiyasiga,kreativ va innovatsion tafakkurgaega bo‘lgan zamonaviy shaxslarni tabiyalashning milliy g‘oya asosidagi konseptual asoslari va amaliy faoliyat mezonlari ishlab chiqilmagan;
beshinchidan,
jamiyat hayotida dunyoviylik va diniylikning sog‘lom muvozanatini to‘liq ta’minlashga yordam beradigan,kuchli tarbiyaviy salohiyatga ega va xalqimizma’naviyatini asrlar mobaynida mustahkamlashga xizmat qilib kelgan umuminsoniy va milliy qadriyatlar, azaliy an’analar va urf-odatlarning qadrsizlanishiga, deideologizatsiyaga yo‘l qo‘yish hollari uchramoqda;
dunyoqarashi keng, faol fuqarolik pozitsiyasiga ega, ma’nan barkamol insonni shakllantirishga xizmat qiladigan g‘oyaviy tarbiya mexanizmi ta’siri kamaygani, jumladan, uzluksiz ta’lim tizimida “milliy g‘oya” turkumidagi fanlarga etarlicha e’tibor berilmayotgani, ularning salmog‘i va ta’sirchanligi kamaygani yosh avlod qalbi va ongida mustahkam mafkuraviy immunitetni shakllantirish bo‘yicha ishlar samaradorligi pasayishiga sabab bo‘lmoqda.
Bularning barchasi milliy g‘oyani rivojlantirishga doir faoliyatimizni yangi bosqichga ko‘tarish, ushbu yo‘nalishdagi faoliyatni tizimli tashkil qilish davr talabiga aylanganini isbotlaydi.
Ana shu zaruratni va ehtiyojni hisobga olgan holda 2019 yilning aprelida milliy g‘oyani rivojlantirishga qaratilgan farmoyishimiz e’lon qilindi.
Ba’zilar tomonidan buni yangi davlat mafkurasini yaratishga urinish, bu boradagi dastlabki harakatlarning boshlanishi sifatida talqin qilish hollari ham bo‘ldi.
Aslida gap, ilgarigi milliy istiqlol mafkurasi haqidagi qarashlarni bugungi kunga moslashtirish haqida emas, balki jamiyatimizni reideologiyalash, ya’ni uni g‘oyaviy yangilash to‘g‘risida bormoqda.
Bu haqda fikr yuritar ekanmiz, avvalo ushbu jarayonni jahon ideosferasining eng ilg‘or va ta’sirchan tarkibiy qismlaridan biriga aylanishi zarurligini barchamiz yaxshi anglab olishimiz lozim.
O‘z navbatida bu, O‘zbekiston jamiyatini reideologiyalash strategiyasi, hayotiy tamoyillarni g‘oyaviy yangilash konsepsiyasi va uni amalga oshirish dasturi ishlab chiqilishini dolzarb vazifa va o‘tkir zaruriyatga aylanib borayotganidan dalolat beradi.
Mazkur strategiyada o‘z aksini topadigan milliy g‘oyani rivojlantirishning umumiy qonuniyatlari va o‘ziga xos xususiyatlari, 2022-2030 yillarga mo‘ljallangan ustuvor yo‘nalishlar va dolzarb vazifalar bu sohada ham mamlakatimiz rivoji yangi davrining mazmun-mohiyatini ifodalaydi.