O`zbеkistоn rеspublikasi оliy va o`rta maxsus ta`lim vazirligi buxoro davlat universiteti

Bitiruv malakaviy ishining obyekti sifatida o‘rta umumta’lim maktablarining boshlang‘ich sinf o‘qituvchilari (jami 20 nafar), tadqiqotga jalb qilingan.
Bitiruv malakaviy ishining predmeti. O‘qituvchining kasbiy faoliyati samaradorligiga ta’sir etuvchi sotsial intellekt omillarini o‘rganish.
Bitiruv malakaviy ishining metodlari. Dj. Gilfordning «Sotsial intellektni o‘rganish» metodikasi; N. Xollning «Emotsional intellektni aniqlash» testi; R.B.Kettellning «Shaxsni 16 omil yordamida o‘rganish so‘rovnomasi»; «Sotsial intellektni ekspert baholash» so‘rovnomasidan foydalanildi.
Bitiruv malakaviy ishining ilmiy yangiligi quyidagilardan iborat:

1. 
   O‘qituvchi faoliyatida namoyon bo‘luvchi sotsial intellekt, shaxslilik tiplari va kasbiy kompetentlik ko‘rsatkichlari o‘rtasidagi korrelyatsion munosabatlar tadqiq qilindi va muayyan ilmiy xulosalar shakllantirildi;
   
2. 
   Ilk bor olingan empirik ma’lumotlarga asoslanib, o‘qituvchi kasbiy faoliyati va kompetentligi uchun muhim bo‘lgan sotsial intellekt ko‘rsatkichlarini rivojlantirishga qaratilgan ilmiy-amaliy tavsiyalar ishlab chiqildi.
   

Bitiruv malakaviy ishi natijalarining ilmiy va amaliy ahamiyati.
O‘qituvchilar sotsial intellekti ko‘rsatkichlarini tadqiq qilish: intellekt modellari, emotsional intellekti, moslashishi, empatiya, shaxs tiplari bilan intellekt munosabatlari, shaxslararo munosabatda sotsial intellektning roli bo‘yicha olingan nazariy hamda empirik ma’lumotlar shaxslararo munosabatning sotsial-psixologik, psixodiagnostik, shaxs psixologiyasiga, pedagogik psixologiyaga doir mexanizmlari hamda psixologik qonuniyatlarni aniqlashga xizmat qiladi.
Bitiruv malakaviy ishining tuzilishi va hajmi: Bitiruv malakaviy ishi kirish, ikkita bob, xulosa, foydalanilgan adabiyotlar ro‘yxati va ilovalardan iborat.
Tadqiqotning hajmi ___ betdan iborat.
I BOB. SOTSIAL INTELLEKTNING PSIXOLOGIYADA

O‘RGANILISH HOLATI