O`zbеkistоn rеspublikasi оliy va o`rta maxsus ta`lim vazirligi buxoro davlat universiteti

Dj. Gilfordning «Sotsial intellektni o‘lchash» testi va uning tadqiqot maqsadigi mosligi
Mazkur test taniqli psixolog Dj. Gilford tomonidan ishlab chiqilgan. «Sotsial intellektni o‘lchash» testi sotsial intellektni sof holda o‘rganish imkonini berishi bilan qimmatlidir. Jahon ilmiy amaliyotida mazkur test imkoniyatlari vaziyatli xarakterdagi topshiriqlarni hal etishga mo‘ljallanganligi, shaxslararo munosabat motivatsiyasini adekvat baholay olishga qaratilganligi hamda sotsial omillarga asoslagan munosabatli holatlarni o‘rganishga mo‘ljallanganligi bilan muhim. Usulni qo‘llash tartibi
Metodika amaliyotda individual va guruhiy qo‘llashga mo‘ljallangan. Unda baholash mezonlarining aniqligi, natijalarning psixologik talqin etish uchun qulayligi va boshqa holatlar inobatga olingan. Sotsial intellekt darajalari to‘rtta mezon bo‘yicha tahlil qilindi.

1. 
   mezon − muloqot ishtirokchisining hissiyoti fikri va niyatlarini tushunish.
   
2. 
   mezon − noverbal muloqot harakatlarini tushunish.
   
3. 
   mezon − verbal muloqot harakatlarini tushunish.
   
4. 
   mezon − shaxslararo o‘zaro ta’sirlashuvni tahlil etish.
   

Tekshiriluvchilar to‘rtta subtest bilan tanishgach, o‘zining ayni paytdagi hissiy kechinmalariga mos xususiyatlar ifodalangan holatlarni tanlaydi va tegishli tartib asosida belgilab beradi. Ushbu belgi o‘qituvchi sotsial intellekt haqida tasavvur qilish imkonini beradi.
Usulning kaliti
Testning shartiga ko‘ra har bir subtest besh ballik tizim asosida qayta ishlanadi. Respondent yiqqan ballar qanchalik yuqori bo‘lsa, sotsial intellekt darajasi shunchalik yuqori, ballar qanchalik past bo‘lsa, sotsial intellekt darajasi shunchalik past ko‘rsatkichlarni tashkil etadi.
Olingan empirik ma’lumotlarni shartli ravishda ikki guruhga ajratish mumkin. Ya’ni uch, to‘rt, besh ballarni o‘qituvchi sotsial intellekti uchun «adekvat» hamda bir, ikki ballarni esa «noadekvat» baho sifatida qabul qilish mumkin. Mazkur testni qo‘llash orqali o‘qituvchi sotsial intellekti haqida tegishli tasavvurga ega bo‘lish mumkin.