O`zbekiston Respublikasi Oliy va O`rta Maxsus Ta`lim Vazirligi Buxoro Davlat universiteti

BOB. IQTISODIY FANLARNI YANGI TEXNOLOGIYALAR ASOSIDA O`QITISHNING NAZARIY ASOSLARI

1. 
   “YANGI PEDAGOGIK TEXNOLOGIYALAR” TUSHUNCHASI VA
   

MOHIYATI

O’zbekiston Respublikasining «Ta’lim to’g`risida»gi Qonun va «Kadrlar tayyorlash milliy dasturi»da barkamol shaxs va malakali mutaxassisni tarbiyalab voyaga etkazish jarayonining mohiyati to’laqonli ochib berilgan. Mazkur huquqiy xujjatlarda ko’zda tutilgan vazifalarni amalga oshirishda yangi pedagogik texnologiyalar fanini ahamiyati kattadir.
«Pedagogik texnologiyalar» fani talabalarni hozirda mavjud bo’lgan zamonaviy pedagogik texnologiyalar bilan tanishtiradi va ana shu pedagogik texnologiyalardan mahorat bilan foydalanish malakasini shakllantiradi. Hozirgi kunda pedagogik texnologiyalardan o’quv jarayonida foydalanish va o’quv jarayonining samaradorligini oshirish eng muhim masalalardan bo’lib hisoblanadi. Talabalar pedagogik mahoratning nozik jihatlari bilan tanishadilar. Pedagogik texnologiyalardan o’rinli foydalanish o’quv jarayonida o’zlashtirishning yuqori ko’rsatkichlariga erishish imkonini yaratadi. Pedagogik texnologiyalar ta’lim samaradorligini oshirish, talablar faolligini oshirish, mustaqil va ijodiy fikrlash qobiliyatini rivojlantirishga qaratilgan usullar majmuasini o’zida aks ettiradi.

“Yangi pedagogik texnologiyalar” fanining maqsadi va vazifalari

Pedagogik texnologiyalar fanining asosiy maqsadi – iqtisodiy ta’lim jarayonida talabalar faolligini oshirish asosida, ularni ob’ektdan sub’ektga aylantirish va kam kuch, kam vaqt sarflagan holda o’zlashtirishning yuqori natijalariga erishishdir.
Fanning asosiy vazifalari:
-yangi pedagogik va axborot texnologiyalarni o’quv jarayoniga joriy etish ko’lamini kengaytirish;
-bu yo’nalishda ilg`or tajribalarni tatbiq qilish, har bir fan bo’yicha bu sohada
aniq rejalarni tuzish va amalga oshirish;
-darslik, o’quv qo’llanmalari va dasturlar, ma’ruza matnlarini elektron disketlarga ko’chirish va ular bilan har bir talabani ta’minlashga erishish;
-ilmiy, ilmiy-metodik ishlarda, o’quv-tarbiya jarayoniga yangi axborot texnologiyalarni keng joriy etishni rivojlantirish, ularni axborot vositalar bilan ta’minlash, kommunikastion tarmoqlarga bog`lash;
-ta’lim usuli, ma’lum ma’noda ta’lim-tarbiya jarayonlari, vositalari, shakl va metodlari majmui hamda ta’lim va tarbiya jarayonini optimal tashkil etishdir.