O‘zbekiston respublikasi oliy va o‘rta maxsus ta’lim vazirligi buxoro muxandislik texnologiya instituti qurilish mexanikasi

«Qurilish mexanikasi» fanidan talabalar bilimini baholash mezoni


O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRINING 2018 yil 9 avgustdagi “Oliy ta’lim muassasalarida talabalar bilimini nazorat qilish va baholashning reyting tizimi to‘g‘risidagi Nizom” haqidagi 19 – 2018 sonli buyruqi
1 Nizomning maqsadi talabalarning fanlarni o‘zlashtirishini xolis (ob’ektiv) va aniq baholashini ta’minlashdan iborat.
2. Talabalarning fan bo‘yicha o‘zlashtirishi joriy, oraliq va yakuniy baholash turlari orqali aniqlanadi.
3. Joriy baholash (JB) – semestr davomida doimiy ravishda o‘quv mashg‘ulotlari davomida talabaning fan mavzulari bo‘yicha har bir laboratoriya ishi va mustaqil ta’lim topshiriqlari sifatida bilim va amaliy ko‘nikma darajasini aniqlash turi hisoblanadi.
JB fanning xususiyatlaridan kelib chiqib og‘zaki so‘rov, taqdimot, test o‘tkazish, kollokvium, muammoli vaziyatlarni (keys stadi) hal etish
usullarda o‘tkazilishi mumkin.
Har bir laboratoriya ishi va mustaqil ta’lim topshiriqlari JB lardan biri siftida qabul qilinadi.
Talabaning JBdan olgan ijobiy baholari asosida unga oraliq baholashni topshirishga ruxsat beriladi.
4. Oraliq baholash (OB) – semestr davomida ishchi fan dasturining
tegishli bo‘limi tugagandan keyin talabaning bilim va amaliy ko‘nikma
darajasini aniqlash turi hisoblanadi.
OB talaba tomonidan ishchi fan dasturining tegishli bo‘limlari mazmunini o‘zlashtirish darajasi, talabaning adabiyotlar bilan ishlash amaliy ko‘nikmalari, muammoli vaziyatlarini hal etish (keys stadi), tahlil, mantiqiy fikrlash, o‘z fikrlarini izchil va aniq bayon qilish qobiliyatini aniqlashga qaratilgan.
OB soni ( bir semestrda 2tadan oshmasligi lozim) va shakli (yozma ish, og‘zaki, test, kollokvium, hisob- grafik ishi, kurs ishi, kurs loyihasi, ijodiy topshiriq) fan xususiyati va unga ajratilgan soatlar hajmidan kelib chiqqan holda kafedra tomonidan belgilanadi.
5. Yakuniy baholash (YaB) semestr yakunida talabaning muayyan fan bo‘yicha nazariy bilim va amaliy ko‘nikmalarining talaba tomonidan o‘zlashtirish darajasini aniqlash turi hisoblanadi.
YaB asosan tayanch tushuncha va iboralarga asoslangan yozma ish, og‘zaki so‘rov, test, ijodiy ish kafedra tomonidan belgilangan boshqa shaklda o‘tkaziladi. Talaba YaBni belgilangan muddatda topshirishi shart.
6. Talabalar o‘zlashtirishini baholash yozma shaklda o‘tkazilganda:
- yozma ishning mazmuni va mantiqiy bayon etilganligi;
- savol va topshiriqlarning to‘g‘ri yondoshilganligi;
- yozma ishni xato va nuqsonsiz bajarilganligi e’tiborga olinadi.
Yozma ish talaba tomonidan mustaqil ravishda yoziladi. Muallif-likni o‘zlashtirish (plagiat) ga yo‘l qo‘yilmaydi. Yozma ishni tekshirishda plagiat holatlari aniqlanishi, shuningdek ikki yoki undan ortiq yozma ishning mustaqil yozilganligiga shubha uyg‘otadigan darajada o‘xshash bo‘lishi ushbu barcha yozma ishlarga nol ball qo‘yish yoki ularga qo‘yilgan ballarni bekor qilishga asos bo‘ladi.
7. Talabalarning har bir semestrda fanlarni o‘zlashtirishi har bir baholash turlari bo‘yicha 4 ballik tizimda 5 (a’lo), 4 (yaxshi), 3 (qoni-qarli) va 2 (qoniqarsiz) baholanadi. 5,4,3 baholar ijobiy hisoblanadi.
8. Talabaning fan bo‘yicha o‘zlashtirishini baholashda quyidagi namunaviy mezonlardan foydalanish mumkin:
5 (a’lo) baho
xulosa va qaror qabul qilish
ijodiy fikrlay olish
mustaqil mushog‘ada yurita olish
olgan bilimlarini amalda qo‘llay olish
mohiyatini tushunish
bilish, ifodalash, aytib berish
tasavvurga ega bo‘lish
4 (yaxshi) baho
mustaqil mushog‘ada yurita olish
olgan bilimlarini amalda qo‘llay olish
mohiyatini tushunish
bilish, ifodalash, aytib berish
tasavvurga ega bo‘lish