O‘zbekiston respublikasi oliy va o‘rta maxsus ta’lim vazirligi berdaq nomidagi Qoraqalpoq davlat universiteti

4. TALABALARNING VAZIFALARI:
4.1. Talabalar O‘zbekiston Respublikasi Konstitutsiyasi, qonunlari, O‘zbekiston Respublikasi Prezidentining Farmon va qarorlari, O‘zbekiston Respublikasi Oliy va o‘rta maxsus ta’lim vazirligi, Universitet rahbariyati buyruqlariga hamda ushbu Nizomga amal qilishi;
4.2. O‘zidagi tashabbuskorlik, fidoyilik singari hislatlarni davlat va jamiyat manfaatlari uchun namoyon etishi;
4.3. Milliy va umuminsoniy qadriyatlarni, shuningdek, o‘zga millat vakillarining tili, dini, urf-odat va an’analarini hurmat qilishi;
4.4. Ma’naviy jihatdan etuk mustaqil fikrlovchi, keng dunyoqarashga ega, zamonaviy talablarga javob beradigan mutaxassis bo‘lib etishishi uchun mavjud shart-sharoit va imkoniyatlardan samarali foydalanishi;
4.5. Do‘stlik, birodarlik, bag‘rikenglik, hamjihatlik tuyg‘ularini qadrlashi;
4.6. Terrorizm, diniy ekstremizm va odam savdosiga qarshi kurashni o‘zining vatanparvarlik burchi deb bilishi;
4.7. Jamoat ishlarida faol ishtirok etishi;
4.8. Kutubxonadan olgan darslik va o‘quv qo‘llanmalarini hamda boshqa texnik jixozlarni yaroqsiz bo‘lishiga yo‘l qo‘ymasligi, ularga zarar etkazgan holda belgilangan tartibda jarima to‘lashi;
4.9. Universitet hududi va jamoat jaylarining ifloslanishiga yo‘l qo‘ymasligi, ekologik tozalikka rioya qilishi;
4.10. Universitet rahbariyati tomonidan berilgan topshiriqlarni belgilangan muddatda bajarishi kerak.


5. MURABBIYLIK FAOLIYATI NAZORATI:
5.1. Murabbiy va talabalar faoliyati universitetning ma’naviy-ma’rifiy ishlar bo‘yicha prorektori, Kengash raisi, fakultet dekani va dekan muovinlari tomonidan nazorat qilinadi.
5.2. Nazorat “Axborot va murabbiylik soatlari” darslari jarayonida o‘tkaziladi.
5.3. Murabbiy o‘z faoliyati bo‘yicha chorak yakunida fakultetda o‘tkaziladigan yig‘ilishda hisobot beradi. O‘quv semestri yakunida Kengash tomonidan o‘tkaziladigan tanqidiy-tahliliy seminar-kengashda ustozlar faoliyati bo‘yicha dekanning ma’naviy-ma’rifiy ishlar muovini hisoboti tinglanadi.
5.4. Zarur hollarda murabbiy va talabalar faoliyati bilan bog‘liq bo‘lgan masalalar Universitet Kengashi kun tartibiga kiritiladi.
5.5. Murabbiy faoliyati quyidagi ko‘rsatkichlar bo‘yicha baholanadi:
a) Talabalarning ushbu Nizomda ko‘rsatilgan qoidalarga amal qilganlik holati;
b) talabalarning ichki tartib-intizomga rioya qilishi: davomati, fanlarni o‘zlashtirishi, Universitet, shahar, viloyat, respublika va xalqaro miqyosda o‘tkazilgan fan olimpiadalari, konferentsiya va seminarlardagi ishtiroki natijalari;
v) turli tadbir va musobaqalardagi faolligi va erishgan yutuqlari;
g) talabalarning ilmiy-tadqiqot ishlaridagi ishtiroki va natijalari;
d) talabalarning ma’naviy-axloqiy ko‘rsatkichlari.