O’zbekiston respublikasi oliy va o’rta maxsus ta’lim vazirligi andijon Davlat universiteti

Savollar

1. 
   Darsning maqsad va vazifalariga ko‘ra qanday xillari bor?
   
2. 
   Dars materialini necha etap bilan o‘rganiladi?
   
3. 
   Muammo vaziyati necha etapni o‘z ichiga oladi?
   
4. 
   Darsda takrorlashning qanday xillar bo‘ladi?
   

9-mavzu: Laboratoriya ishlarni tayyorlash va uyushtirish. O‘tkazish metodikasi. Amaliy ishlarni tayyorlashda o‘qituvchi tomonidan olib boriladigan ishlari

Laboratoriya mashg‘uloti biologiya үqitishning tashkiliy shakllari dan biri bo‘lib, unda o‘quvchilar o‘qituvchi rahbarligida tirik va tabiiy ob`yektlarni, hayotiy hodisa va protsesslarni amaliy (mustaqil ishlash) metodlar vositasida o‘rganadilar. Biologiyadan laboratoriya mashg‘ulotini o‘tkazish o‘simlik yoki hayvonni, uning hayotiy funksiyalarini mustaqil tanib olish va aniqlash, kuzatish va tajribalar o‘tkazish imkoniyatini beradi. O‘quvchilar xotirasida uzoq saqlanadi. Laboratoriya mashg‘ulotlari da olingan bilimlar va hodisalarni mustaqillik bilan o‘rgana olish ko‘nikmalarini hosil qilish va rivojlantirish jihatidan ham ahamiyatlidir, chunki bunday darslarda o‘quvchilar aktiv bo‘lishi bilan birga mustaqil ish ko‘radilar, mustaqilliq ruhida tarbiyalanadilar. Organizm tuzilishi va fiziologik funksiyalarini mustaqil o‘rganish o‘quvchilarning o‘z faoliyatlaridan qanoat hosil qilishlariga imkon beradi, ularda biologik bilimlarni qiziqish bilan, yanada to‘laroq egallashga intilish uyg‘otadi. Biologiya bo‘yicha laboratoriya mashg‘ushlotlari, unda o‘quvchilar bajaradigan ishlarning xarakteri va o‘quvchilardagi mustaqil ish bajarish ko‘nikmalariga qarab ikki xil: a) frontal usulda va b) o‘qүvchilarga ish to‘g‘risida oldindan to‘liq topshiriq berish yo‘li bilan o‘tkaziladi. Frontal usul bilan o‘tkaziladigan laboratoriya mashg‘ulotida o‘quvchilar bajarishi lozim bo‘lgan har bir ish bir qancha qismlarga (bosqichlarga) bo‘linib, ularning har qaysisi yuzasidan o‘qituvchi ko‘rgazma beradi, uni hamma o‘quvchilar baravariga bajarib boradilar Bu usulda laboratoriya mashg‘uloti o‘tkazishning afzalligi shundaki, unda mustaqil ish baravariga boshlanib, bir vaqtda tugallanadi; ish natijasini aniqlash maqsadida o‘qituvchi qo‘ygan savollarga tegishli javoblar tayyorlash bilan o‘quvchilar o‘quv materialining shu ishga taalluqli masalasini yengillik - 41 - bilan o‘zlashtirib oladilar, o‘qituvchi esa ishni o‘quvchilar tamonidan qanday bajarilayotganligini qiyinchiliksiz nazorat qila oladi va zarur bo‘lganda ularga o‘z vaqtida yordam ko‘rsatadi