O‘zbekiston respublikasi oliy va o‘rta maxsus ta’lim vazirligi andijon mashinasozlik instituti

FALSAFA FANIDAN TALABALARNING NAZORAT ISHLARINI TASHKIL ETISHNING SHAKLI VA MAZMUNI
Sirtqi bo‘lim talabalari tomonidan bajariladigan sessiya oralig‘i nazorat ishlari kunduzgi ta’lim shaklida ta’lim oluvchi talabalar bajaradigan oraliq nazorat ishlaridan farqlanadi.

Kunduzgi ta’lim shaklida o‘quv rejasidagi fanning ma’lum bob, bo‘lim yakuni bo‘yicha bir yoki ikki oraliq nazorat ishi olinsa, sirtqi bo‘lim talabasi esa bir sessiyadan ikkinchi sessiyagacha muayyan fan bo‘yicha o‘tiladigan boblar, bo‘limlar, mavzular yoki to‘la kursni ishlab chiquvchi amaliy topshiriqlarni turli shakllarda bajarishlari rejalashtiriladi.

Sessiya oralig‘i nazorat ishlarining  maqsadi talabaning sessiya oralig‘ida muayyan fan bo‘yicha to‘liq tayyorgarligini tahminlash hamda yakuniy nazoratga tayyorlashdan iborat. Falsafa fanidan sessiya oralig‘i nazorat ishida fanning barcha bo‘limlari mazmuni qamrab olinadi va ular turli mustaqil ish shakllarida bajarilishi ko‘zda tutiladi. Shuningdek, nazorat ishida qo‘yilayotgan har bir nazariy va amaliy mashg‘ulotlarni bajarish uchun talaba o‘qituvchining amaliy faoliyati bilan bog‘lanishi hamda pedagogik va axborot texnologiyalaridan foydalangan holda bajarishi lozim.

Talabalar tamonidan “Nazorat ishlarini” bajarishda asosiy e’tibor talabaning berilgan mavzularni mustaqil ravishda, ya’ni auditoriyadan tashqarida bajarishi, o’qib o’rganishi va shu yo’nalish bo’yicha bilim va ko’nikmalarini chuqurlashtirishiga qaratiladi.

Falsafa fanidan nazorat ishlari asosan yozma shaklda tayyorlanadi.

Ushbu kurs bo’yicha nazorat ishlari 50 ta mavzudan iborat bo’lib, gurux jurnalidagi talabaning tartib raqamiga mos mavzuni bajarishi talab qilinadi. Talabalarning tartib raqamiga mos kelmaydigan nazorat ishlari hisobga olinmaydi.

Nazorat ishlari o’quv grafigida ko’rsatilgan muddatlarda topshirilishi shart. Belgilangan muddatlarda nazorat ishlarini topshirmagan talabalar mazkur fanlardan o’tkaziladigan yakuniy nazorat imtixonlariga qo’yilmaydilar.