Oʻzbekiston respublikasi oliy va oʻrta maxsus ta'lim vazirligi andijon mashinasozlik instituti «muqobil energiya manbalari» kafedrasi

AMALIY MASHG’ULOT №2
ELEKTR ENERGIYA ISROFLARINI HISOBLASH
Reja:
2.1 Nazariy qism.
2.2 Mаsаlаlаrni yechish uchun misоl.
2.3 Mustаqil yechish uchun misоllаr.
2.1.NAZARIY QISM
Elektr tarmoqning har qanday elementida, jumladan liniyada aktiv elektr energiya isrofi yuklamaning xarakteri va ko‘rilayotgan vaqt jarayonida uning o‘zgarishiga bog‘liq. O‘zgarmas yuklama bilan ishlab, ∆P aktiv quvvat isrofiga ega bo‘lgan liniyada t vaqt davomida isrof bo‘luvchi energiya quyidagicha aniqlanadi:
∆W=∆P∙t 2.1
Agar yuklama yil davomida o‘zgarib tursa, u holda liniyadagi elektr energiya isrofini bir nechta usullar yordamida hisoblash mumkin.

2.1-rasm. Elektr energiya isrofining umumiy strukrurasi
2.1-rasmda O’zbekistonning energotizimidagi elektr energiyasining texnik isrofi strukturasi keltirilgan bo’lib, bu isroflarning ko’p ulushi 0,4-10 kV kuchlanishli elektr tarmoqlariga to’g’ri kelishini ko’rish mumkin
Mavjud barcha usullarni foydalaniluvchi matematik modelga bog‘liq ravishda ikkita katta guruhga bo‘lish mumkin. Bular- aniq va ehtimoliy-statistik usullardir.
Elektr energiya isrofini hisoblashning eng aniq usuli-bu shoxobchalarning yuklama grafiklari bo‘yicha aniqlashdir. Bunda hisoblash yuklama grafigining har bir darajasi uchun quvvat isroflarini aniqlash va ularning yig‘indisini topishni ko‘zda tutadi. Bu usul ba’zan grafik interpolyasiyalash usuli deb yuritiladi.