O‘zbekiston respublikasi oliy va o‘rta maxsus ta‘lim vazirligi abu ali ibn sino nomidagi buxoro davlat tibbiyot instituti

1.1.2.Miyada qon aylanishining o‘tkir buzilishlari (МQAO‘B)
Miyada qon aylanishi o‘tkir buzilishining klinik alomatlari quyidagi belgilar bilan 
xarakterlanadi.
1.
odatda kasallik to‘satdan yoki shiddat bilan boshlanadi (ayniqsa bu gemorragik va 
ishemik insultlar uchun xos);
2.
miyaning yoki pardalari zararlanishining klinikasi dastlabki daqiqalarda yoki 
soatlarda yaqqol ro‘yobga chiqadi;
3.
miya zararlanishining o‘choqli simptomatikasi birorta arterial basseynning yoki 
yirik miya arteriyasining qon bilan ta‘minlanishi zonasiga mos keladi.
Umummiya simptomlari bosh og‘rishi, bosh aylanishi, qusish, ko‘ngil aynashi, 
ko‘z oldida parda paydo bo‘lishi, umumiy behollik, hushdan ketish bilan tavsiflanadi. 
Hush buzilishining darajasi Glazgo shkalasi bo‘yicha baholanadi.