Mavzuni oʻzlashtirish uchun savollar:
1.
Shaxs axloqini shakllantiruvchi omillarni sanab bering.
2.
―Etika‖ fanining predmeti, mohiyati va tuzilmasi haqida nimalarni
bilasiz?
3.
Gedonizm va evdemonizm ta‘limotining axloqiy ahamiyati haqidagi
fikringiz?
4.
Axloqning paydo boʻlishiga oid diniy, ilmiy qarashlar tasnifi haqida
nimalarni bilasiz?
5.
Nima uchun XXI asrda global etosfera (axloqiy muhit)ni
yaratishning zaruriyati paydo boʻldi, deb oʻylaysiz?
1
Abdulla Sher. Axloqshunoslik. Darslik. -T.: «O‗zbekiston faylasuflari milliy jamiyati» nashriyoti, 2010.B.165
470
6.
Etikaning kategoriyalari, tamoyillari, me‘yorlarining SHaxs va
jamiyat munosabatlarida namoyon boʻlishi haqidagi fikringizni izohlab
bering.
7.
Ixtiyor erkinligi va axloqiy tanlov nima u nimalarga asoslanadi?
14-mavzu. Nikoh va oilaning axloqiy asoslari, uning yoshlar
tarbiyasidagi oʻrni
Oilakishilik jamiyatining ijtimoiy poydevoridir. Shunga koʻra,
jismonan sogʻlom, ma‘nan barkamol, axloqan pok va yuksak madaniyatli
yosh avlodni voyaga etkazishda oilaning oʻrni beqiyos. Oʻzbekistonning
taraqqiyot istiqboli oilaviy tarbiya muammolarini oqilona echilishiga ham
bogʻliq. Buning uchun shu borada zarur chora-tadbirlar tizimini ishlab
chiqish, oilaviy tarbiyaga tahdid soluvchi muayyan kuchlarga qarshi
kurashib, boʻlajak ota-onalarning ma‘naviy, axloqiy, madaniy va tarbiyaviy
bilimlarini oshirish bilan bogʻliq masalalarni hal etish bugungi kunning eng
dolzarb muammolaridan biridir. Davlatimizda sogʻlom oilani shakllantirish
va oilada yuksak ma‘naviy-axloqiy muhitni qaror toptirish uchun zarur shart-
sharoit yaratish, yoshlarni oila qurishga tayyorlash, oilalar mustahkamligini
va manfaatlarini ta‘minlash, sogʻlom farzand oʻstirish, tarbiyalash va voyaga
etkazish masalasi davlat siyosati darajasiga koʻtarilgan. Bunda, avvalambor,
oilaning muqaddasligi hamda nikoh mas‘uliyati boʻyicha kelajakda oila
quradigan yigit va qizlarimiz tafakkurini, ongini oʻzgartirishga alohida
e‘tibor qaratilmoqda.
Bosh qomusimizda oilani mustahkamlash, undagi munosabatlarni
oʻzaro muhabbat, ishonch va hurmat, hamjihatlik, bir-biriga yordam berish
hamda barcha a‘zolarining ma‘sulligi hissi asosida oila qurish, biror-bir
SHaxsning oila masalalariga oʻzboshimchalik bilan aralashishiga yoʻl
qoʻyilmasligi hamda bu huquqlarning himoya qilinishini ta‘minlash kabi
asosiy tamoyillar oʻz ifodasini topgan. Oila va nikoh munosabatlari, sogʻlom
ona-sogʻlom bola masalasiga e‘tibor, oila institutini har tomonlama qoʻllab-
quvvatlash davlat siyosati darajasiga koʻtarildi. Konstitutsiyamizning 63-
moddasida «Oila jamiyatning asosiy boʻgʻinidir hamda jamiyat va davlat
muhofazasida boʻlish huquqiga ega» deb belgilab qoʻyilganligi oilaning
qanchalik yuksak asos ekanini koʻrsatadi. Qolaversa, mamlakatimizda olib
borilayotgan kuchli ijtimoiy himoya siyosati mohiyatida ham davlat va
jamiyatning oilaga boʻlgan doimiy gʻamxoʻrligi oʻz ifodasini topgan.
Nikoh
– erkak va ayolning teng huquqli, erkin va ixtiyoriy ittifoqi
boʻlib, u fuqarolik holati da‘lolatnomalarini yozish organlarida tuziladi va
oila tuzish maqsadiga xizmat qiladi. Nikoh oilaning vujudga kelishida birdan
bir asos boʻlgani bois u faqat axloq normalari bilan emas, balki maxsus qonun
hujjatlari bilan tartibga solinadi.
471
Oila nikohdan boshlanadi. Nikoh rasmiy, qonunlar asosida
oʻtkazilgandagina haqiqiy hisoblanadi. Oʻzbekiston Respublikasi Oila
kodeksining birinchi moddasida nikoh fuqarolik holati da‘lolatnomalarini
qayd etish organlarida tuzilishi lozimligi koʻrsatilgan. Nikohdan oʻtuvchilar
FHDYOga ariza berganlaridan keyin bir oy oʻtgach, shaxsan ularning
ishtirokida amalga oshiriladi. Uzrli sabablarga koʻra FHDYO bir oy sinov
muddati oʻtgunga qadar nikoh tuzishga ruhsat berishi mumkin.
Ba‘logʻatga etmaganlarning nikohga kirishining oldini olish, ularning
sogʻligini himoya qilish maqsadida hamda oilani qurish uchun ma‘lum
hayotiy tajriba, jismoniy va ma‘naviy etuk lik talab qilinishini e‘tiborga olgan
holda, qonun nikoh yoshini erkaklar uchun oʻn sakkiz yosh, ayollar uchun
oʻn etti yosh etib belgilangan.
Uzrli sabablar boʻlgan, alohida hollarda nikoh yoshi erkak va ayollarga
bir yoshga kamaytirilishi mumkin. Bu sabablarga, masalan: nikohga kiruvchi
ayol homilador boʻlib qolishi, bir taraf ogʻir kasal boʻlgan yoki harakatdagi
armiyaga ketayotgani va boshqa shunga oʻxshash hollar kiradi. Bunda nikoh
davlat roʻyxatidan oʻtkaziladigan joydagi tuman, shahar hokimi nikoh
yoshini koʻpi bilan bir yilga kamaytirishi mumkin.
Nikoh, nikohga kiruvchilarning ixtiyoriyligi, erkin roziligi asosida
tuziladi. Nikohni tuzish uchun boʻlajak er-xotin oʻz roziligini erkin ifoda
etish qobiliyatiga ega boʻlishi kerak. Agar shaxs oʻz hatti-harakatlari oqibatni
tushunmaydigan holda (qattiq mastlik, ruhiy holatining vaqtincha buzilishi)
yoki aldov oqibatda nikohdan oʻtgan boʻlsa, bunday nikoh qonunda
belgilangan tartibda haqiqiy emas deb topiladi.
Nikoh tuzishga majbur qilish qonun bilan taqiqlanadi. Ayolni oʻz
erkiga xilof ravishda erga tegishga majbur qilish Oʻzbekiston Respublikasi
Jinoyat Kodeksining 136-moddasiga koʻra ja‘zolanadi.
Nikoh tuzish haqidagi arizani berishda shaxsni aniqlovchi hujjatlar:
pasport, harbiy bilet, ofitser, praporshikning shaxsiy guvohnomasi,
nikohlanuvchilarning biri ilgari nikohda boʻlgan boʻlsa, nikohdan
ajralganlikni tasdiqlovchi hujjat (guvohnoma yoki sud qarori), nikohni
haqiqiy emas, deb topilganligi toʻgʻrisidagi sud qarori, er-xotindan birining
oʻlimi toʻgʻrisidagi guvohnoma koʻrsatilishi kerak. Bu oila tuzilishi va
yaratilishining huquqiy jihatlari.
Axloq nuqtayi nazaridan oilaning asosi boʻlmish nikoh – ezgu
maqsadga
yoʻnaltirilgan,
zimmasiga
zurriyot
qoldirishdek
Yuksak
mas‘uliyat yuklangan sevgi, sevishning ijtimoiylashgan koʻrinishi. Sevgi-
muhabbat faqat erkinlikda namoyon boʻlishini hisobga olinadigan boʻlsa,
nikohni ma‘lum ma‘noda, anʻanalar, urf-odatlar va e‘tiqodlarga
moslashtirilgan sevgining yashash sharti deyish mumkin.
1
Oʻzbek oilasining
1
Абдулла Шер. Ахлоқшунослик. Ўзбекистон миллий файласуфлари жамияти. – Тошкет, 2010. 294-б.
472
dunyodagi boshqa oilalarga oʻxshash tomoni koʻp, shu bilan birga Oʻziga xos
jihatlari bor. Xalqimizning: "Nikoh eng avvalo Arshi a‘loda oʻqiladi, keyin
esa erda" degan naqli behuda aytilmagan. Ota-bobolarimizning azaliy
tushunchalari boʻyicha nikoh ilohiy ahd, oila muqaddasdir. Oila qurishdan
asosiy maqsad farzand koʻrishdir.
Ma‘lumki, oila munosabatlari taraqqiyotida Yer va xotinning oʻzaro
munosabatlari, bu munosabatlarning ijobiyligi, er-xotinning bir-birini
tushunishi, bir-birlariga nisbatan hissiy intilishlari, oʻzaro hurmati, farzandlar
tarbiyasidagi teng huquqliligi va qator shu kabilar oila mustahkamligini
ta‘minlovchi muhim psixologik omillar hisoblanadi. shuning uchun ham,
jahonning barcha rivojlangan mamlakatlarida oila muammolarini hal etish,
tadqiq etish masalalariga oid ishlarda bevosita oiladagi shaxslararo
munosabatlar tizimining asosiy boʻgʻini boʻlgan er-xotin va farzandlar
munosabatlari xususiyatlarini, holatini oʻrganishga alohida e‘tibor beriladi.
Oila
– tarixan tarkib topgan oʻziga xos va mos ijtimoiy guruh boʻlib,
uning a‘zolari bir-birlari bilan nikoh, qon-qarindoshlik, umumiy turmush va
oʻzaro huquqiy, axloqiy va boshqa munosabatlar bilan bogʻlangandir. Oila
nikoh zaminida vujudga keladi. Nikoh esa erkak va ayol orasidagi
munosabatlarning jamiyat tomonidan tan olingan, ma‘qullangan ifodasi
hisoblanadi.
―Oila uch jihatni: oʻzining bevosita koʻrinishi boʻlmish nikohni; oilaviy
mulk va anjomlar hamda ular haqidagi gʻamxoʻrlikni; bolalar tarbiyasini oʻz
ichiga oladi‖.
1
Nikoh tuzishga oid munosabatlar Oʻzbekiston Respublikasi Oila
kodeksi, Oʻzbekiston Respublikasi Vazirlar Mahkamasining 1999 yil 12
apreldagi
171-sonli
qarori bilan tasdiqlangan ―Fuqarolik holati
da‘lolatnomalarini
qayd etish qoidalari‖ toʻgʻrisidagi yoʻriqnoma,
Oʻzbekiston Respublikasi Vazirlar Mahkamasining 2003 yil 25 avgustdagi
365-son qarori bilan tasdiqlangan ―Nikohlanuvchi shaxslarni tibbiy koʻrikdan
oʻtkazish toʻgʻrisida‖gi nizom va boshqa qonun hujjatlarga muvofiq amalga
oshiriladi. Nikohni rasmiylashtiruvchi yagona idora bu Fuqarolik holati
da‘lolatnomalarini qayd etish organlaridir, oʻtmishda diniy rasm-rusumlarga
binoan nikoh tuzilib kelingan, hozirgi kunda diniy rasm-rusumlarga binoan
nikoh tuzilishi huquqiy ahamiyatga ega hisoblanmaydi. Nikoh tuzish
ixtiyoriy amalga oshirilishi va nikohni tuzish uchun boʻlajak er-xotin oʻz
roziligini erkin ifoda etish qobiliyatiga ega boʻlishi lozim. Oila kodeksining
16-moddasiga asosan nikoh tuzishga monelik qiladigan holatlar alohida
belgilanib qoʻyilgan. Unga muvofiq birinchi holatda tomonlardan loaqal
bittasi roʻyxatga olingan boshqa nikohda turgan shaxs boʻlsa, ikkinchi
holatda nasl-nasab shajarasi boʻyicha toʻgʻri tutashgan qarindoshlar oʻrtasida
1
Abdulla Sher. Axloqshunoslik. Darslik. -T.: «O‗zbekiston faylasuflari milliy jamiyati» nashriyoti, 2010.B.293
473
boʻlsa,uchinchi holatda tugʻishgan va oʻgay aka-ukalar bilan opa-singillar
oʻrtasida, shuningdek farzandlikka oluvchilar bilan farzandlikka olinganlar
oʻrtasida, toʻrtinchi holatda tomonlarning loaqal bittasi ruhiyat buzilishi
(ruhiy kasalligi yoki aqli zaifligi) sababli sud tomonidan muomalaga
layoqatsiz deb topilgan shaxslar oʻrtasida, beshinchi holatda tomonlarning
loaqal bittasi nikoh qurish yoshidan kichik boʻlsagina nikoh tuzishga
monelik qiluvchi holatlar mavjud hisoblanib, nikoh tuzish qonunan man
etiladi.
Nikoh – erkak va ayolning teng huquqli, erkin va ixtiyoriy ittifoqi
boʻlib, u fuqarolik holati da‘lolatnomalarini yozish organlarida tuziladi va
oila tuzish maqsadiga xizmat qiladi.
Nikoh oʻz mohiyatiga koʻra axloqiy hodisa. Unda ehtiroslar axloqqa
boʻysundiriladi. Oila quyidagi holatlarda quriladi:
1.
sevgi – muhabbat bilan;
2.
hissob – kitob bilan;
3.
urf – odat anʻanaga koʻra;
4.
majbur boʻlib qolgan holatlarda;
Shariat boʻyicha nikoh:
Er-xotinning
huquq
va
majburiyatlari
shariat
boʻyicha
belgilangan boʻlib, ular oʻrtasidagi huquqiy munosabatlar nikoh ahdi tuzilib,
kelisxilgan qalin va ajratilgan mahr berilgandan keyin boshlanadi.
Oilaning tinchligi, uning farogʻatli turmushi shu oilaning boshida
turgan er bilan xotin orasidagi doʻstona munosabatlarga bogʻliq.
Shariat boʻyicha nikoh shartnomaga oʻxshab ketsa-da, undan farq
qilgan. U umurbod tuzilgan. Shariat muddatli shartlarga yoʻl qoʻymagan.
Agar nikoh ahdida muddatli shartlarga ma‘lum hafta, oy yoki yilga yoʻl
qoʻyilgan boʻlsa, bunday nikoh haqiqiy emas, deb sanalgan.
Shariat boʻyicha nikohdan oʻtish uchun nikohdan oʻtuvchilardan bir
qator shartlarga rioya qilish talab etilgan.
Ular:
Birinchidan– nikohdan oʻtuvchilarning oʻzaro roziligi;
Ikkinchidan– nikoh yoshiga toʻlish;
Uchinchidan– nikohni guvohlar ishtirokida tuzish;
Toʻrtinchidan– kelin uchun qalin va mahr toʻlash;
Beshinchidan– diniy e‘tiqod birligi;
Oltinchidan– nikohdan oʻtadiganlar YAqin qon-qarindosh
boʻlmasligi;
Ettinchidan– tabaqa boʻyicha tenglik;
Sakkizinchidan– nikohdan oʻtivchilarning ruhiy jihatdan sogʻlom
boʻlishi lozim.
474
Shariat boʻyicha nikoh ahdini tuzish vaqtida albatta ikki kishi
guvohlikka oʻtishi lozim. Guvohlikka oʻtishga qoʻyilgan Shaxslar nikoh
ahdini tuzuvchilarning oʻzaro roziligini oʻzlari bir vaqtning oʻzida eshitgan
boʻlishlari lozim edi.
Shariat boʻyicha nikoh ahdini tuzishning navbatdagi sharti qalinni
toʻlash va ajratilgan mahrni berishdan iborat boʻlgan. Bu siz nikoh haqiqiy
emas, deb sanalgan. Mahr kuyov tomonidan kelinga berilib, uy-joy va sepdan
iborat boʻlgan. Har bir hududda mahr, qalin hajmlari har xil boʻlgan.
Shariat boʻyicha, faqat islom diniga mansub boʻlgan shaxslargina
oʻzaro nikoh tuza olgan. Agar ayol boshqa dindan islom diniga oʻtsa, u bilan
nikoh qurish mumkin edi.
Nikoh tuzishga monelik qiladigan holatlar:
Quyidagi holatlarda nikoh tuzishga yoʻl qoʻyilmaydi:
Nikohga kiruvchilarning loaqal bittasi roʻyxatga olingan boshqa
nikohda boʻlsa;
Nasl-nasab shajarasi boʻyicha toʻgʻri tutashgan qarindoshlar
(bobo, buvi, ota-ona, farzandlar, nevara va chevaralar) oʻrtasida, tugʻishgan
va oʻgay aka-ukalar bilan opa-singillar oʻrtasida, shuningdek farzandlikka
oluvchilar bilan farzandlikka olinganlar oʻrtasida;
Nikohga kiruvchilarning loaqal bittasi ruhiyati buzilishi (ruhiy
kasalligi yoki aqli zaifligi) sababli sud tomonidan muomalaga layoqatsiz deb
topilgan boʻlsa,
Oʻzbekiston Respublikasi qonunciligi qoʻshxotinlikni taqiqlaydi.
Respublikamizning Jinoyat Kodeksi 126-moddasida koʻp
xotinlilik, ya‘ni ikki yoki undan ortiq xotin bilan er-xotin boʻlib yashash
jinoyat hisoblanadi.
Ma‘lumki, qarindoshlar oʻrtasidagi nikoh oqibatida koʻpchilik
bolalar nogiron boʻlib tugʻilishadi. Shifokar fikricha, yaqin qarindoshlar:
amaki, xola, togʻa va ammavachalarning farzandlari oʻrtasidagi nikohiy
munosabatlar ham salbiy oqibatlarga olib keladi.
Ruhiy kasalligi boʻlgan shaxsning kasalligini bekitib, balki
nikohiy munosabat natijasida tuzalib ketadi deb ayirim ota-onalar qonun
buzilishga ham yoʻl qoʻyadilar. Natijada nikohning bekor qilinishi, oilada
nogiron farzand tugʻilishi kabi fojialar ham sud amaliyotida uchrab turadi.
Otalikni belgilash:
Bolaning onasi bilan nikohda boʻlmagan shaxsning otaligi oʻzini
bolaning otasi deb tan olgan Shaxs va onaning fuqarolik holati
da‘lolatnomalarini qayd qilish organiga birgalikda topshirgan arizasiga
binoan belgilanadi.
475
Otalikni
belgilash
faktini
mustahkamlash
uchun
bolaning
(bolalarning) aynan shu otadan tugʻilganligini tasdiqlaydigan dalillar boʻlishi
shart.
Bundan tashqari ota va bola oʻrtasida nasl-nasab bilan bogʻliq
boʻlgan oʻzaro huquq va majburiyatlarni ifoda‘lovchi huquqiy munosabatlar
ham oʻrnatiladi.
Otalik, shuningdek, otaning qarindoshlari qatoriga kirganligi ham
anglatadi va bolaning ota qarindoshlari, ya‘ni buva, buvi, aka-ukalar va opa-
singillar bilan qarindoshligini aks ettiradi.
Oʻzaro nikohdan boʻlmagan ota-onadan tugʻilgan bolaning otasini
aniqlash masalasi, agar ota yoki ona fuqarolik holati da‘lolatnomalarini qayd
qilish organiga birgalikda ariza berishdan bosh tortsa yoxud otaning oʻzi
vasiylik va homiylik organining roziligi bilan (sud qarori) bilan ariza bersa,
sud tartibida yoritadi.
Sudga arizani ota yoki ona, vasiy (homiy), bolani oʻz qaramogʻiga
olgan
shaxs,
bolaning
oʻzi ba‘logʻat yoshiga etganidan soʻng
beradi.Oilamuqaddas urf – odatlarimizni saqlaydigan tarbiya oʻchogʻidir.
yoshlarning ma‘naviy qiyofasi, ularning hatti–harakatlari, xulq–atvorlari
dastlab oilaviy munosabat madaniyatida ifodalanadi. Oilaviy munosabat
madaniyati nima? Bu – oilada insonga xos va mos sharoitlarni yaratish,
oilaning vazifalarini toʻla bajarish, oilaviy turmush tarzini toʻgʻri
shakllantirish, oila a‘zolarining xulq – odobi, dunyoqarashi, mafkurasini,
oilaviy hayotning davomiyligini ta‘minlashdir. Mustahkam oila mustahkam
jamiyatning asosidir. Shunday ekan, jamiyat oilalarni mustahkamlash,
oilaviy munosabatlar madaniyatini takomillashtirishga alohida e‘tibor berib
kelmoqda.
Oila, jamiyat va davlat bilan oʻzaro bogʻliq boʻladi va ular bilan bir
vaqtda rivojlanib boradi. Oila nafaqat axloqiy balki, demografik, iqtisodiy,
ijtimoiy, madaniy va boshqa muhim funksiyalarni bajaradi. Shuning
uchun, jamiyat va davlat oilaning farovon boʻlishidan manfaatdor boʻladi.
Oila a‘zolari bir-birlari bilan umumiy turmush, oʻzaro iqtisodiy-mulkiy,
huquqiy, axloqiy, ruhiy aloqalar bilan bogʻlanadi. Oilaning birinchi vazifasi
oʻz nasl-nasabini davom ettirishdan, tarbiyali farzandlarni oʻstirishdan, oila
a‘zolarining tirikchiligini, boʻsh vaqtini koʻngilli oʻtkazishni ta‘minlashdan
iboratdir.
Insonning ijobiy va salbiy sifatlarni shakllanishi aksariyat hollarda
oilada beriladigan tarbiyaga bogʻliq boʻladi. Shuni alohida ta‘kidlash
mumkinki, sogʻlom avlodlarni tarbiyalash hozirgi kunning muhim
masalalaridan hisoblanadi. Buning uchun, avvalo oilalardagi psixologik
muhitni sogʻlomlashtirish dolzarbdir.
476
Do'stlaringiz bilan baham: |