O’zbekiston Respublikasi Oliy va o'rta maxsus ta’lim vaziligi Alisher Navoiy nomidagi Toshkent davlat o’zbek tili va adabiyoti universiteti

Kurs ishining maqsadi: Kurs ishida Qo’qon xonligida madaniy hayot tahlilini amalga oshirish asosiy maqsad sifatida qo’yilgan. Ishni bajarishda esa quyidagi jihatlarni amalga oshirish asosiy vazifalar sifatida belgilangan:
-Qo’qon xonligida madaniy hayot va tarixnavislik haqida malumot berish;
-Qo’qon xonligida madaniy hayotining umumiy tavsifi va maorifining asosiy jihatlarini yoritish;
-Qo’qon tarixnavislik maktabi xususiyatlari asosiy jihatlarini yoritib o’tish;
-Muhammad Alixon ijodi bilan o’quvchilarni tanishtirib o’tish;
-Muhammad Alixon ijodidagi she’rlarni o’rganish;
-Tarixnavislik maktabida yaratilgan asarlarda xonlik tarixini yoritilishining asosiy jihatlarini yoritish;
-Mavzu yuzasidan dars ishlanmasini ishlab chiqish;
-Tadqiqot yuzasidan umumiy xulosalarni yoritib berish.
Tadqiqotning vazifalari: Ma’lumki, milliy adabiyotimiz tarixida Qo’qoq adabiy muhitini o’rganish alohida ahamiyatga ega bo’lgan mavzulardan biridir. Mazkur davr ijodkorlari tomonidan yaratilgan badiiy asarlar, xususan, Muhammad Alixon adabiy merosini tadqiq etish ushbu kurs ishining asosiy maqsad va vazifasidir. Shuningdek, tadqiqotning maqsadlari quyidagilardan iboratdir: – O’zbek adabiyoti tarixida o’z munosib o’rniga ega bo’lgan ijodkor, mumtoz adabiyot an’analarini munosib davom ettirgan shoir Muhammad Alixonning mo’tabar xotirasini abadiylashtirish; – shoir Muhammad Alixonning ibratli hayoti va faoliyati, ijodiy merosini chuqur o’rganish; – yosh avlodga yuksak ma’naviy fazilatlarni shakllantirishda, milliy ong va g’ururni uyg’otishda, ularni Vatan, millat taqdiri uchun faol shaxs qilib o’stirish va tarbiyalashda adabiy-madaniy merosning o’rni beqiyos ekanligini anglatish; Tadqiqotning asosiy vazifalari quyidagilardan tarkib topadi: –Muhammad Alixon ijodining o’rganilishini tahlil etish; – Madalixonning qo’lyozma manbalarini topish va ularni tiklash, amaldagi yozuvga tabdil etish; – Shoir g’azallari (umuman asarlarini) o’z davri ijodkorlarining boshqa asarlari bilan qiyoslash; – Adabiy merosining keyingi tadqiqotlarda to’laqonli o’rganilishi uchun ilk asoslarni yaratish.