O`zbekiston respublikasi oliy va o`rta maxsus ta’lim

O‘rtacha miqdorlarni hisoblashda o‘ziga xos qoidalarga rioya qilinishi lozim:
- o‘rtalashtirilayotgan alohida miqdorlar mohiyati jihatidan bir xil bo‘lishi lozim. Har bir alohida miqdorlar son jihatidan ko‘p va turlicha ko‘rsatgichlarda bulib, mazmun jihatidan bir xil ko‘rsatgichni ifodalashi lozim;
- o‘rtacha miqdorlar etarli darajada ko‘p bo‘lgan bir mazmundagi to‘p-lamlar bo‘yicha hisoblanishi lozim, chunki to‘plamdagi miqdorlar soni qanchalik ko‘p bo‘lsa, alohida miqdorlarga xos bulgan omillar o‘z ta’sirini shunchalik yo‘qotadi. To‘plamda miqdorlar soni kam bo‘lsa, alohida miqdorlarga xos omillar ta’siri sezilarli bo‘ladi. Shuning uchun ham o‘rtacha miqdorlar katta sonlar qonuniga bo‘ysunadi;
- o‘rtacha miqdorlar ijtimoiy - iqtisodiy muhim hodisalarni ko‘rsatishi lozim.
Hodisa va jarayonlarning muhim belgilarini ko‘rsatmaydigan o‘rtacha miqdorlarni hisoblashning zaruriyati bulmaydi, chunki bunday ma’lumotlarning ahamiyati yo‘q.
Shunday qilib, o‘rtacha miqdorlar statistikada muhim o‘rin egallab, fanning mohiyatini ochib beruvchi ijtimoiy - iqtisodiy hodisalarning umumiy belgilarini ifodalash uchun hisoblanadi.