O`zbekiston respublikasi oliy va o`rta maxsus ta`lim

Sportning ayrim turlari bo`yicha o`tkaziladigan mashgulotlarga g’o`yiladigan gigienik talablar

Gimnastik mashklar ko`prok tezlik-kuch talab qiladigan mashklardan iborat bo`ladi. Ular, asosan, skelet muskullariga, suyak-bo`g’im tizimiga, periferik qon aylanishiga ta’sir ko`rsatadi; muskul kiskarishlari neyroendokrin tizimga, ichki a’zolarga (muskul-visseral reflekslar orqali) reflektiv tonusni oshiruvchi ta’sir ko`rsatadi. Gimnastik mashklar ayrim muskul guruxlariga ko`rsatiladigan ta’sirni tegishli tomonga yo`llash imkonini beradi. Bu esa xar xil sport turlari uchun muskul profilini talab etilgan darajada shakllantirishni boshqarib borish, o`sishdan orqada qolayotgan muskul gruppalarini kuchaytirib, lozim darajaga etkazish, muskullarning korset-tayanch funktsiyasini yaxshilash imkonini ham beradi.

Boks bilan shug’ullanuvchi bolalar uchun zarb urilgan vaqtda jaroxatlanishdan saqlaydigan maxsus o`quv qo`l qoplari kiyib mashq qilish taklif etilgan. Zarba urilgan vaqtda boshning tez-tez jaroxatlanishi, ayniqsa, noqulay vaqtida sodir bo`ladigan jaroxatlar nerv tizimining axvoliga salbiy ta’sir ko`rsatadi. SHuning uchun yuqorida taklif etilgan maxsus o`quv qo`lqoplaridan foydalanishni shart qilib qo`yish shug’ullanuvchilar salomatligini saqlashda muhim ahamiyat kasb etadi. Barmoqlar jaroxatini profilaktika qilish uchun ularni maxsus bint bilan o`rab chiqish tadbiri qo`llaniladi. Lab va tishlarni ximoya qilish uchun bokschilar yumshoq rezinadan tayyorlangan maxsus tish qolip (kapa) lardan foydalanadilar. Kapani yaxshilab chayib tashlab undan keyin ishlatish kerak, uni vaqti-vaqti bilan suvda qaynatib olish lozim.