O`zbekiston respublikasi oliy va o`rta maxsus ta`lim

MA’RUZA: OSTEOXONDROZ. BO`YIN, KO`KRAK, BEL VA DUMG’AZA OSTEOXONDROZIDA DJT

REJA:

1. Umurtqa churrasi qaytalansa

2. 
   Umurtqa pog’onasidagi yashirin xastalik
   

3. Umurtqa pog’onasidagi muammolar

4. 
   Tanamizning ustuni – umurtqa pog’onasi
   

5. Umurtqadagi muammolar – dardlarning darakchisi

6. 
   Qariganda ham qaddim raso bo`lsin desangiz
   

7. Radikulit va uning turlari

8. 
   Sport – skolioz davosi
   

9. Taxta to`shakka muhtoj dard

10. 
    Bo`yin osteoxondrozini mashqlar bilan engamiz
    

11. CHiroyli qomatni orzu qilasizmi?

12. 
    Ishxonada gimnastika qilamiz!
    

13. Neyroortopediya

UMURTQA CHURRASI QAYTALANSA...

Churra qanday paydo bo`ladi?

— Umurtqa churralarining yuzaga kelish sabablari haqida turli farazlar mavjud. Keling, ularga aniqlik kiritsak. Demak, umurtqa pog’onasidagi o`zgarishlar sabablari quyidagicha bo`lishi mumkin:

• 
  kun davomida bir xil holatda bukchayib ish bajarish;
  
• 
  qomat holatining buzilishi;
  
• 
  jismoniy zo`riqish, muntazam og’ir yuk ko`tarish;
  
• 
  umurtqa pog’onasining tug’ma nozikligi;
  
• 
  tana vaznining me`yordan ortiqligi;
  
• 
  keksayish tufayli umurtqada sodir bo`ladigan o`zgarishlar;
  
• 
  moddalar almashinuvining buzilishi;
  
• 
  kamharakatlilik;
  
• 
  virusli kasalliklar asorati;
  
• 
  umurtqa sohasidagi jarohat, lat eyish, shikastlanishlar.
  

Mazkur omillar tufayli umurtqa tanalari orasidagi disklar ezilib, ustida mayda yoriqlar paydo bo`ladi. Asta-sekin umurtqani ushlab turuvchi va harakatlantiruvchi fibroz halqalar yorilib, ichidagi tog’aysimon jism orqa miya kanaliga o`tadi va buning natijasida kanal torayib orqa miya siqiladi. SHu tariqa umurtqa churrasi yuzaga keladi.