Ikkinchidan, taraqqiyotimizning bugungi bosqichida ommaviy axborot vositalari va davlat idoralari, jurnalist va ma’muriy organlar o‘rtasidagi munosabatlarning huquqiy asoslarini aniq-tiniq belgilash, jurnalist va matbuot xodimining erkin faoliyatiga to‘sqinlik qilayotgan omillarni aniqlash va bartaraf etish g‘oyat muhim ahamiyat kasb etadi. CHunki “bu o‘rinda gap ommaviy axborot vositalari va davlat hokimiyati organlari o‘rtasidagi munosabatlarning ustuvor jihatlarini to‘g‘ri belgilash, jumladan, ommaviy axborot vositalari faoliyati ustidan nazorat qilishning mexanizmlarini, axborot manbalarining yopiqligini, shuningdek, tahriri-yatlarga hokimiyat organlari va ma’muriy tuzilmalar tomonidan bo‘layotgan ma’lum darajada bosimlarni bartaraf qilish bilan bog‘liq muammoli masalalarni hal etish haqida bormoqda”1.
Uchinchidan, respublika Jurnalistlar ijodiy uyushmasi tegishli ilmiy muassasalar (masalan, “Ijtimoiy fikr” markazi) ishtirokida axborot vositalari vakillari orasida uzluksiz sotsiologik monitoring tizimi yo‘lga qo‘yilsa, nazarimizda, ma’lumot olish imkoniyatlari, matbuotning iqtisodiy mustaqilligini ta’minlash mexanizmlari, jurnalist axloqi va uning asosiy tamoyillari kabi ko‘plab masalalarga oydinlik kiritish imkoni tug‘ilardi. Mazkur monitoring natijasida to‘plangan ilmiy ma’lumotlar ommaviy axborot vositalaridagina emas, umuman, mamlakat hayotining barcha sohalarida demokratik erkinliklarni qaror toptirish, birinchi galda “ommaviy axborot vositalarini zamon talablari asosida rivojlantirish, matbuot va so‘z erkinligi prinsip-larini amalda ta’minlashga erishish, matbuotda chinakam tanqid ruhini kuchaytirish”1, bu sohada liberallashtirish jarayonlarini chuqurlashtirish, axborot maydonida chinakam raqobatni vujudga keltirish, jurnalistlar uchun erkin faoliyat muhitini yaratish, nodavlat va jamoat birlashmalari faoliyatini takomillashtirishga qaratilgan samarali fikr-mulohaza va takliflar ishlab chiqish imkoniyatini yaratgan bo‘lar edi.
To‘rtinchidan, keyingi vaqtda mamlakatimizda faoliyat yuritayotgan korxona, tashkilot va muassasalar hamda xususiy sektor sohasida taraqqiy etgan davlatlar tajribasida sinalgan korporativ boshqaruv tizimini joriy etish masalasiga alohida e’tibor qaratilmoqda. SHu ma’noda, jurnalistlar haq-huquqlari hamda manfaatlarini himoya qiladigan, bu soha vakillari faoliyatining kasb odobi me’yori va tamoyillarini, umuman, ommaviy axborot vositalari istiqbolini belgilab beadigan tuzilma — O‘zbekiston Jurnalistlar ijodiy uyushmasining faoliyatini kuchaytirish, matbuotni erkinlashtirish jarayonidagi o‘rni va ahamiyatini oshirish, rivojlangan davlatlarning bu boradagi tajribasini o‘rganish asosida uning ijobiy jihatlarini ommaviy axborot vositalari faoliyatiga tatbiq etish, matbuotning nodavlat tarmoqlari: uyushma, jamg‘arma va assotsiatsiyalar faoliyatini muvofiqlashtirish borasidagi ishlarni yanada takomillashtirish talab etiladi.
Do'stlaringiz bilan baham: |