O‗zbеkistоn rеspublikasi оliy vа o‗rtа mахsus tа‘lim vаzirligi tоshkеnt dаvlаt iqtisоdiyot univеrsitеti

4.6.
Restoran biznesi ehtiyojlarini xal qilishda tajriba (eksperiment)ning foydasi
Tajriba 
rejalashtirilayotgan reklama kampaniyasi, ko‗ngilochar tadbirlarning 
variantlari va hokazolarni sinovdan o‗tkazish imkoniyatini beradi. Umumiy 
ovqatlanish korxonasi faoliyatini tashkil etishning barcha jihatlarini sinovdan 
o‗tkazish mumkin, muhimi – natijalarni qayd eta olish.
Restoran biznesi ehtiyojlari uchun tajriba quyidagi sohalarda ayniqsa foydali. 
Taomnoma.
Taomnomaga turli xil qo‗shimchalar va yaxshilashlarni 
tekshirishda tajriba o‗rnini hech narsa bosolmaydi. Ko‗pchilik tadqiqotlarning 
mazkur usulidan o‗zi sezmagan holda muntazam ravishda foydalanadi. Tajriba ayni 
holda taomnomaga yangi taomlarni qisqa muddatga kiritish va so‗ngra ularning 
sotilishini tahlil qilish uchun o‗tkaziladi. Agar natijalar sizni qanoatlantirsa, bu 
taomlarni taomnomaga doimiy asosda kiritishingiz mumkin. 
Reklama kampaniyasi, sotuvlarni rag„batlantirish bo„yicha kampaniya.
Reklama kampaniyasini boshlashdan oldin uning tarkibiy elementlarini tahlil qilgan 
va natijalar prognozini tuzgan ma‘qul. Fokus-guruh tadqiqoti uni maromiga 
etkazishga yordam berishi mumkin, tajriba esa mo‗ljallanayotgan natijalarga amalda 
ishonch hosil qilish imkoniyatini beradi. Bularning barchasi bajarish uchun ancha 
ko‗p mablag‗ talab qilishi bois, turli xil kampaniyalarga nisbatan tajribani sizda bir 
tarmoqqa birlashtirilgan bir nechta muassasalar mavjud bo‗lgan holdagina 
qo‗llashingiz lozim. Shunda dastlabki testlash (tajriba) xarajatlari o‗zini oqlaydi.
Ko„ngilochar tadbirlar dasturi.
Umumiy ovqatlanish korxonalarining 
ko‗pchiligi o‗z mehmonlariga jonli ijrodagi musiqa, artistlarning chiqishlari va hatto 

---

90 
shou-dasturlar taklif qiladilar. Ayni holda tajriba – sinov tadbiri. Siz mazmun va 
yo‗nalish jihatidan har xil ko‗ngilochar tadbirlarni o‗tkazish va xo‗randalar 
munosabatini (masalan, chek summasi tarzida) qayd etishga urinib ko‗rishingiz 
mumkin. Eng muhimi, buni ayni bir kunlarda va ayni bir vaqtda o‗tkazishga harakat 
qilish kerak, zero bu vaqt omilining ta‘sirini kamaytirish va tajribaning obyektivlik 
darajasini oshirish imkoniyatini beradi.