O’zbekiston Respublikasi Oliy va O’rta mahsus ta’lim Vazirligi Sog’liqni saqlash vazirligi

Farmakoterapevtik guruhi: Me‘da-ichak yo‘llari funksional buzilishlarida qo‘llanadigan vositalar. Spazmolitik va antixolinergik vositalar boshqa preparatlar bilan majmuada.
ATX kodi: A03ED
Farmakologik xususiyatlari
Bekarbon – majmuaviy preparat bo‘lib, analgetik, spazmolitik ta‘sir ko‘rsatadi, shuningdek me‘da shirasining erkin xlorid kislotasini neytrallaydi, shu sababli me‘da shilliq qavatiga himoyalovchi ta‘sirga ega.
Qo‘llanilishi

• 
  Me‘da-ichak yo‘llarining funksional buzilishlari (qorindagi funksional og‘riq);
  
• 
  me‘da-ichak yo‘llari a‘zolari silliq mushaklarining spazmlari;
  
• 
  o‘t chiqarish yo‘llarining spazmlarida qo‘llanadi.
  

Qo‘llash usuli va dozalari
Kattalarga ovqatlanishdan 30-40 minut oldin, 1 tabletkadan sutkada 2-3 marta ichga qo‘llanadi. Tabletkani chaynamasdan va yetarli miqdordagi suv bilan yutib yuborish kerak.
Eng yuqori bir martalik doza 5 tabletkani tashkil qiladi.
Bekarbon simptomatik qisqa muddatli qo‘llash uchun mo‘ljallangan, shuning uchun davolash davomiyligini shaxsiy ravishda tanlash kerak.
Agar kasallik simptomlari 3-5 kun davomida o‘tib ketmasa, davolash sxemasini qayta ko‘rib chiqish va preparatni keyinchalik qo‘llash bo‘yicha shifokorga murojaat qilish kerak.
Nojo‘ya ta‘sirlari
Nerv tizimi: bosh og‘rig‘i, bosh aylanishi, asabiylik, uyquchanlik, qo‘zg‘alish (ayniqsa yoshi katta pasientlar guruhida), holsizlik, uyquni buzilishi, ataksiya (harakat koordinasiyasini buzilishi), nutqni buzilishi.
Siydik chiqarish tizimi: siyishni qiyinlashishi va tutilishi.
Ovqat hazm qilish yo‘llari: og‘izni qurishi, chanqoqlik hissi, ta‘m bilishni buzilishi, kekirish, disfagiya, meteorizm, qorinda spazm/og‘riq, ichak motorikasini atoniyagacha susayishi, qabziyat, o‘t chiqarish yo‘llari va o‘t qopi tonusini pasayishi; preparatni yuqori dozalarda qisqa muddat ichida qabul qilinganda me‘da shirasini kompensator gipersekresiyasi qayd qilinishi mumkin.
Ko‘rish a‘zolari: qorachiqni kengayishi, yorug‘likdan qo‘rquv, akkomodasiya falaji, ko‘rishni noaniqligi, ko‘z ichki bosimini oshishi.
Yurak-qon tomir tizimi: yuzni qizarishi, qizib ketish hissi, yurak urishini his qilish, aritmiyalar (shu jumladan ekstrasistoliya, taxikardiya), miokard ishemiyasi, arterial bosim oshishi mumkin.
Nafas tizimi va ko‘ks oralig‘i a‘zolari: qiyin ajraladigan, yopishqoq balg‘am paydo bo‘lishiga olib keluvchi bronxlar sekretor faolligini va tonusini kamayishi.
Immun tizimi: o‘ta yuqori sezuvchanlik reaksiyalarining ko‘rinishlari, shu jumladan anafilaktik reaksiyalar, anafilaktik shok.
Teri va teri osti kletchatkasi: teri toshmasi, giperemiya, eshakemi, eksfoliativ dermatit.
Boshqalar: ter ajralishini kamayishi, teri va shilliq qavatlarni qurishi, dizartriya, shishlar, mavjud gipokaliemiyani kuchayishi.
Har qanday salbiy reaksiyalar paydo bo‘lgan hollarda, pasient preparatni keyinchalik qo‘llashi yuzasidan shifokor bilan albatta maslahatlashishi kerak!