Оилада жисмоний ва жинсий тарбияни ташкил этиш. Оила муҳитида жисмоний тарбияни ташкил этиш ҳам ўзига хос аҳамият касб этади. Ота-оналар томонидан фарзандларда жисмоний маданият сифатларининг тарбияланишига эътибор қаратилиши уларнинг комил инсон бўлиб шаклланишларида муҳим аҳамият касб этади. “болаларнинг соғлом бўлишларида уларнинг кундалик ҳаётий режимга амал қилишлари ниҳоятда муҳимдир. Ота-оналар ёки оиланинг катта вакил авлодлари болаларнинг меҳнат қилишлари ва дам олишларини тартибга солишга аҳамият беришлари керак. Организмнинг бир маромда ишлаши бола саломатлигини сақлаш ва мустаҳкамлашгагина ёрдам бериб қолмай, шу билан бирга унинг барча юмушларни тартибли ва сифатли бажариши учун имкон яратади.
Инсон саломатлигини сақлашда эрталабки бадан тарбиянинг аҳамиятини болаларга тушунтириш ҳамда уларнинг эрталабки бадан тарбия билан шуғулланишга кўниктириб бориш ота-она назоратини талаб этади. Бадан тарбия болани саранжомлик, интизомга ҳам ўргатиб боради.
Овқатланишнинг тўғри ташкил этилиши ҳам боланинг соғлом бўлиб ўсишининг асосий омилларидан биридир. Ота-оналар томонидан боланинг белгиланган муайян соатларда овқатланиш, овқатланишдан аввал қўлни ювиш, овқатдан кейин оғизни чайиш, шунингдек, кунига икки марта (эрталаб ва кечқурун) тиш тозалаш, ҳафтада бир марта ванна (ёки душ, ҳаммом)да чўмилиш, қўл ва оёқ тирноқларини олишга одатлантириб боришлари зарур. Ушбу
Ҳолатлар болаларда жисмоний маданият унсурларини шакллантиради” 82.
Болаларнинг жисмонан етук бўлиб вояга етишларида ота-оналар, яна шунингдек, қуйидаги масалаларга ҳам жиддий эътибор қаратишлари зарур: фарзандларнинг кун тартибига эга бўлишларига ҳамда иродаларини чиниқтиришга эришиш, асаб тизими мустаҳкам бўлиши учун уйқунинг меъёрида бўлиши учун шароит яратиш, уларда доимий равишда жисмоний тарбия билан мунтазам шуғулланиш кўникмаларини шакллантириш, бўш вақтни кўнглилли ўтказилишини таъминлаш.
Оила тарбиясининг муҳим йўналишларидан яна бири – оилада жинсий тарбияни тўғри, самарали ташкил этиш саналади. “жинсий тарбия – болалар, ўсмирлар ва ёшларда жинсий масалаларига нисбатан тўғри муносабатни шакллантириб боришга қаратилган тиббий ва педагогик тадбирлар тизими”83 саналади. Оиланинг жинсий тарбияни ташкил этишдаги роли моҳиятига кўра кичик ижтимоий бирлашманинг репродуктив вазифасини ифодалайди. Кичик ижтимоий бирлашманинг репродуктив вазифаси юзасидан эса юқорида батафсил сўз юритилди. Айни ўринда шуни қўшимча қилиш мумкин, жинсий тарбия ёки оиланинг репродуктив вазифаси шаклларида ифодаланишдан қатъий назар ота-оналар ўғил ва қиз болаларнинг жинсий жиҳатдан ривожланишига хос хусусиятлар, босқичлар, шунингдек, табиий ва ғайритабиий (лот. “акселерatsiя” – тезлашув, яъни, индивиднинг руҳий ва физиологик жиҳатдан ривожланишининг сунъий равишда тезлашиши) жинсий етилиш моҳияти, оилада жинсий тарбияни тўғри ташкил этиш йўлларидан хабардор бўлишлари зарур.
Do'stlaringiz bilan baham: |