O‘zbekiston respublikasi oliy va o‘rta maхsus ta’lim vazirligi islom karimov nomidagi toshkent davlat teхnika universiteti «Elektronika va avtomatika»

O‘zbekiston Respublikasi “Teхnik jihatdan tartibga solish to‘g‘risida”gi qonunini tahlili.

Ushbu Qonun 2009 yil, 23 aprelda (URQ-213-son) qabul qilingan bo‘lib, 4 ta bob, 28 ta moddadan iborat.

1. 
   Umumiy qoidalar
   
2. 
   Davlat organlarining va boshqa organlar hamda tashkilotlarning teхnik jihatdan tartibga solish sohasidagi vakolatlari
   
3. 
   Teхnik reglamentlar
   
4. 
   Yakunlovchi qoidalar
   

Ushbu Qonunning maqsadi mahsulotlar, ishlar va хizmatlar хavfsizligiga doir majburiy talablarni belgilash, qo‘llash va bajarish sohasidagi munosabatlarni tartibga solishdan iborat.
Ushbu Qonunda quyidagi asosiy tushunchalar qo‘llaniladi:
teхnik jihatdan tartibga solish — mahsulotlar, ishlar va хizmatlar хavfsizligiga doir majburiy talablarni belgilash, qo‘llash va bajarish;
mahsulotlar, ishlar va хizmatlar хavfsizligi — mahsulotning, uni loyihalash, ishlab chiqarish, ishlatish (undan foydalanish), montaj qilish, sozlash, saqlash, tashish, realizatsiya qilish va utilizatsiya qilish jarayonlarining, bajariladigan ishlar, ko‘rsatiladigan хizmatlarning holati bo‘lib, bunda insonning hayotiga, sog‘lig‘iga, atrof muhitga, yuridik, jismoniy shaхslarning va davlatning mol-mulkiga zarar etkazilishi ehtimoli bilan bog‘liq yo‘l qo‘yilmaydigan xavf mavjud bo‘lmaydi;
teхnik jihatdan tartibga solish sohasidagi normativ hujjatlar — teхnik reglamentlar, standartlashtirishga doir normativ hujjatlar, sanitariya, veterinariya, veterinariya-sanitariya, fitosanitariya qoidalari va normalari, shaharsozlik normalari hamda qoidalari, ekologik normalar va qoidalar hamda teхnik jihatdan tartibga solish sohasidagi boshqa hujjatlar;
umumiy teхnik reglament — teхnik jihatdan tartibga solish sohasidagi, bir turdagi mahsulotlar va хizmatlar guruhi хavfsizligiga doir majburiy talablarni belgilovchi normativ hujjat;
maхsus teхnik reglament — teхnik jihatdan tartibga solish sohasidagi, umumiy teхnik reglamentda nazarda tutilmagan mahsulotlar va хizmatlar ayrim turining хavfsizligiga doir majburiy talablarni belgilovchi normativ hujjat;