O’zbekiston respublikasi oliy va o’rta- maxsus ta’lim vazirligi

Mahsulot tayyorlash. O‘simlik gullashi va mevasi yetilishi davrida ildizi bilan sug‘urib olinadi. Ildizini (ba’zan, ildizoldi barglari bilan) tashlab yuborib, qolgan qismini soya joyda quritiladi.

O‘TKIR (NAYZA) BARG SANO — CASSIA ACUTIFOLIA DEL.

O‘tkir (nayza) barg sano — Cassia Acutifolia Del. dukkakdoshlar —
Caesalpiniaceae oilasiga kiradi.
Har ikkala sano o‘simligi bo‘yi 1 m ga yetadigan yarim buta. Poyasi shoxlangan, pastki qismidagi shoxlari yerda sudralib o‘sadi. Bargi juft patli murakkab, 4—8 ta juft bargchalardan tashkil topgan bo‘lib, poyada bandi bilan ketma-ket o‘rnashgan. Gullari shingilga to‘plangan. Guli qiyshiq, kosachabargi 5 ta, asos qismi birlashgan, tojbargi 5 ta, birlashgan, sariq, otaligi 10 ta, hammasi erkin holda, onalik tuguni bir xonali, yuqoriga joylashgan. Mevasi — yassi, yapaloq tuxumsimon, ba’zan bir oz qayrilgan, yashil-jigarrang va ko‘p urug‘li dukkak. Urug‘i sariq yoki yashilroq, deyarli to‘rtburchaksimon, to‘rsimon burushgan, uzunligi 6—7 mm.
Iyun oyining oxiridan boshlab, kuzgacha gullaydi. Mevasi sentyabrdan boshlab yetiladi.