O’zbekiston respublikasi oliy va o’rta- maxsus ta’lim vazirligi

Limon yetishtirish texnologisi

O‘zbekistonning sug‘oriladigan tuproqlarida vegetatsiya davrning uzun va samaradorlik haroratning yuqori bo‘lishi limon o‘simligini ekib o‘stirish va undan sifatli va yuqori hosil yetishtirish imkonini beradi. Limonni teplitsada va transheyalarda o‘stirish mumkin.

Teplitsada o‘simlik qisqa muddatda o‘sadi va rivojlanadi, uni parvarish qilish yengillashadi, hosildorligi oshadi.
Agar transheyada o‘stirilsa bitta daraxtdan o‘rtacha 200—250 donagacha meva olinsa, teplitsada esa ancha kuchli rivojlangan daraxtdan 400—500 donagacha limon olish mumkin. O‘rtacha harorat 10°S va undan yuqori bo‘lganda limon novdalari o‘sa boshlaydi. Sutkalik o‘rtacha harorat 16—18°S ga yetganda limon yalpi g‘unchalaydi, 18—22°S da gullaydi. Limon barglari 2—3
yil yashaydi va asta-sekin almashinadi. Limon o‘z-o‘zidan chetdan asalarilar tomonidan changlanadi. Bu tugunchalarni ko‘proq hosil bo‘lishiga yordam beradi. O‘sish va shakllanish davrida (aprel-may) 20—22°S va havoning nisbiy namligi 70—80 foiz bo‘lganda uning foydali gullashi 22—25 foizga yetadi. Limon sovukqa chidamli o‘simlik. Minus 2—2,5°S sovuqda mevalari, 3—4°S da barglari va bir yillik novdalari muzlaydi.
Limonning yaxshi o‘sishi va rivojlanishi uchun unumdor tuproqlar ajratiladi. Sizot suvlari yaqin va sho‘rlangan yerlarda o‘sa olmaydi.