O’zbekiston respublikasi oliy va o’rta- maxsus ta’lim vazirligi

Mahsulot tayyorlash. Mevasi pishgandan keyin uzoq vaqt to‘kilmay turadi. Bu esa to avgust oyigacha urug‘larni yig‘ib olish imkonini beradi. Buning uchun gulxayri poyasi meva joylashish balandligida o‘roq bilan qirqiladi. Bog‘-bog‘ qilib xirmonga olib boriladi. Urug‘lari don sovurgichda tozalanib qoplarga joylashtiriladi. Uning ildizini ikkinchi yili oktabr oylarida yig‘ib olinadi. Yarim santimetr yo‘g‘onlikdagi yon ildizlari xomashyo hisoblanadi. Qazib olingan ildizlar tuproq va uning qoldiqlaridan tozalanib, oqar suvda yaxshilab yuviladi va 40 gradusdan yuqori bo‘lmagan haroratda quritiladi. Qurigan ildizlar 20—25 sm uzunlikda joyida qirqiladi. YOg‘ochga aylana boshlagan ildiz va ildizpoyalar olib tashlanadi. Qurigan ildiz 20—25 kg dan qilib qoplarga joylashtiriladi. Quruq havo almashib turadigan xonalarda 3 yilgacha saqlanadi. Agrotexnik tadbirlarni yuqori saviyada o‘tkazilsa, gulxayri ekilgan maydonlarning har gektaridan 15—20 sentner quruq ildiz yig‘ib olish mumkin bo‘ladi.