O`zbekiston respublikasi oliy va o`R

Bob boyicha xulosalar

O`zbekistonda marketing sohasi va uning istiqboli davlat siyosati darajasiga ko`tarilishi, ushbu sohaning maxsus fan sifatida oliygohlarda o`qitilishi va marketing mutaxassisligi yo`nalishining tashkil etilganligi, barcha korxona va tashkilotlarda marketing bo`limlarining mavjudligi uning amaliy va huquqiy jihatdan ham mustahkamlanganining dalilidir.

Ushbu sohaning rivoj topishi esa shu sohaga oid leksikani ishlashda hamda lug`atlar tuzishga ham bog`liq. O`zbek tilining boy imkoniyatlari asosida sohaga oid o`zlashma terminlarni aniq izohlash, muqobilini yaratish, semantik xususiyatlarni tadqiq etish ham muhim sanaladi.

Marketing terminlarining bugungi kundagi tadqiqi, asosan, terminlarni g`alizlikka yo`l qo`ymagan holda til imkoniyatlaridan kelib chiqib o`zbekchalashtirish muhim hisoblanadi. Marketing terminlari eng o`zgaruvchan leksika hisoblanib, uni chuqur o`rganish va sohaga oid tushunchalarni jamlash va lug`at shakllantirish bugungi bozor iqtisodiyotida muhim masalalardan hisoblanadi.

O`zbek tili marketing terminologiyasining katta qismini to`g`ridan-to`g`ri va kalka asosida xorijiy tillardan o`zlashgan terminlar tashkil qiladi.

O`zbek tili marketing terminologiyasidagi birliklar tarkibiy tuzilishi jihatdan sodda, qo`shma va birikma shaklida bo`lib, qo`shma va birikma shaklidagi terminlar salmoqli o`rin tutadi.