O‘zbekiston respublikasi oliy majlisining qonunchilik palatasi to‘G‘risida

I. UMUMIY QOIDALAR

1-modda. Ushbu Qonunning maqsadi

Ushbu  Qonunning  maqsadi  O‘zbekiston  Respublikasi  Oliy  Majlisining  Qonunchilik

palatasi  (bundan  buyon  matnda  Qonunchilik  palatasi  deb  yuritiladi)  maqomini  belgilash,

Qonunchilik  palatasi  faoliyatini  tashkil  etishga  va  uning  O‘zbekiston  Respublikasi  Oliy

Majlisining Senati (bundan buyon matnda Senat deb yuritiladi) hamda boshqa davlat organlari

bilan o‘zaro hamkorligiga doir munosabatlarni tartibga solishdan iborat.

2-modda. Qonunchilik palatasi

Oldingi tahrirga qarang.

Qonunchilik  palatasi  (quyi  palata)  hududiy  bir  mandatli  saylov  okruglari  bo‘yicha

ko‘ppartiyaviylik asosida umumiy, teng va to‘g‘ridan to‘g‘ri saylov huquqi asosida yashirin ovoz

berish yo‘li bilan saylanadigan bir yuz ellik nafar deputatdan iborat.

Qonunchilik  palatasining  ishi  palata  barcha  deputatlarining  professional,  doimiy

faoliyat ko‘rsatishiga asoslanadi.

(2-moddaning  matni  O‘zbekiston  Respublikasining  2019-yil  4-sentabrdagi  O‘RQ-563-sonli  Qonuni

tahririda — Qonun hujjatlari ma’lumotlari milliy bazasi, 05.09.2019-y., 03/19/563/3685-son)